भांगरभूंय | प्रतिनिधी
फोंडें, प्रतिनिधी ः मोलें उपसरपंचपदाचेर जनी गुणा दमेकार हांची शुक्रारा विरोधा विणें निवड जाली. वर्षा झोरे हांणी कांय दिसां आदीं उपसरपंच पदाचो राजिनामो दिल्लो. सगळें पंच वांगडी बसकेक हाजीर आशिल्ले.
शुक्रारा मोलें पंचायतींत जाल्ले बसकेंत उपसरपंच पदा खातीर जनी दमेकार हांचो एकमेव अर्ज दाखल जाल्लो. ह्या वेळार सरपंच वामन गांवकार, आदले सरपंच कपिल नायक आनी हेर पंच वांगडी हाजीर आशिल्ले. फकत एक अर्ज दाखल जाल्ल्यान निरिक्षकांनी जनी दमेकर हांचो अर्ज मान्य करून तांची विरोधा विणें निवड जाहीर केली.
थळावे आमदार आनी गोंय पर्यटन उदरगत मंडळाचे अध्यक्ष गणेश गांवकार आनी पंचायत मंडळाच्या सहकाऱ्यान विरोधा विणें निवड जाल्या. सगळ्यांच्या सहकारान पंचायत क्षेत्रांत उदरगतीचे काम पुराय करपाक चड म्हत्व दितले अशें जनी दमेकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
