भांगरभूंय | प्रतिनिधी
पेडणे, प्रतिनिधी : मोरजेंतल्या खिंड वाठारांत सरकारान सोबितीकरण केलां. मात थंयच्यो लायटी पेटोवपाक वीज खातें अपेशी थारलां. चवथीच्या दिसांनी लोकांक काळांतल्यान ह्या रस्त्या वयल्यान प्रवास करचो पडटा. खास करून वाहनचालकांक हाका लागून अपघात जावं शकतात.
गोंय पर्यटन उदरगत म्हामंडळान स्वदेश दर्शन येवजणे खाला आदले मुख्यमंत्री प्रा. लक्ष्मीकांत पार्सेकार हांणी मोरजाय देवस्थान समितीच्या पालवान हांगां सोबितीकरण केल्लें. मात प्रवेशद्वार तें गोरक्ष चिंच मेरेनच्या रस्त्याचेर काळोख आसता. हालींच आमदार जीत आरोलकार हांणी म्हामंडळाचे, वीज खात्याचे अधिकारी हांचे वांगडा बसका घेतिल्ली. तेन्ना स्ट्रीय लायट पेटोवपाचें तांणी मान्य केल्लें. पूण कांय कडले दिवे पेटले. खिंड वाठारांत मात अजून काळोख पातळ्ळा. भितर लाकडांय दवरल्यांत.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
