भांगरभूंय | प्रतिनिधी
केंद्रीय संसदीय कार्य मंत्र्यान घेतली वेंचणुक तयारेची बसका
पणजी, प्रतिनिधी : येते लोकसभा वेंचणुकेंत भारतीय जनता पक्ष गोंयांतले दोनूय जागे मोठ्या मताधिक्क्यान जिखतलो, असो विस्वास केंद्रीय संसदीय कार्यमंत्री प्रल्हाद जोशी हांणी उक्तायला. म्हापश्या लोकसभा वेंचणुक तयारेच्या बसके उपरांत ते उलयताले.
हे बसकेक प्रदेश अध्यक्ष सदानंद शेट तानावडे, केंद्रीय मंत्री श्रीपाद नायक तशेच हेर पदाधिकारी हाजीर आशिल्ले. लोकसभा वेंचणुके खातीर देशभरांत पक्षाची तयारी नेटान सुरू आसा. गोंयांत योग्य दिकेन तयारी चलात. दरेकी बुथा सयत राज्य पावंड्यामेरेन कशी तयारी जाय, हे विशी मार्गदर्शन केंद्रीय मंत्री प्रल्हाद जोशी हांणी केले.
पक्षाचे कार्यकर्ते आनी हेर फुडाऱ्यां सयत म्हजीय तयारी चालू आसा, अशें श्रीपाद नायक हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
