भांगरभूंय | प्रतिनिधी
तें पळोवंन मनांत प्रस्न पडलो……. की होच कांय तो खरो मोग?
म्हजे मावशेगेर पांच दीस रावपाक आयिल्लें. सांजेचीं चार वरां जाल्लीं. न्हिदून उठून खेळपाक भायर सरिल्लें. चलून वतां वतां म्हजी नजर एका झाडार गेली आनी याद जाली की होच तो प्रस्न म्हज्या मनांत पडिल्लो. “मोग म्हणल्यार कितें”??
त्या झाडार एका घोंटेरांत एक चिमणी आपल्या पिलाक वेंगेंन घेवन बशिल्ली. तें पळोवंन मनांत प्रस्न पडलो…
…. की होच कांय तो खरो मोग?
तसो आज थोडो वगतूय जाल्लो. खेळूंक वचपाचें आज आसूं म्हणलें आनी थंयच्या पणसाचा झाडां कुशीक बसलें. तितल्यान एक चलो आनी एक चली एकामेकांच्या हातांत हात घालून उलयत वतना दिसलीं
आनी मनांत प्रस्न आयलो….
….की होच कांय तो खरो मोग??
वेळ पळयत जाल्यार साडे पांच वरां जाल्लीं. म्हणून घरा वचपाक उठलें जाल्यार एक जाण्टेलो आपले बायलेक तिच्या हातांत घट धरून वतना दिसलो आनी मनांत प्रस्न आयलो….
….. कि होच कांय तो खरो मोग??
आदीं शिक्षण घेताना तशो खुपशो गजाली पळयल्ल्यो. आमी गर्लफ्रॅण्ड वा बाॅयफ्रॅण्ड म्हण्टात. तें मागीर दोगांयनी
पिक्चराक वचप आनी हाणें आपलें बोल्स खाली करप, वांगडा बसून गजाली मारप, हाॅटेलान वचोन दोगांयनी जेवप आनी अशेंच हाणें ताच्या फाटल्यान पयशे खर्च करीत रावप. आनी काय गजाली ना आयकल्यार जाल्यार तांकां ब्रेकअप करपाचो भंय घालप ना जाल्यार खरोच करप …..
स वरां जालीं म्हणून घरां वचपाची वाट धरली. घरां वच जाल्यार मावसो आनी मावशी दाणो घेवन भेणार बी हात धरून सामकीं विठ्ठल रखुमाई सारकीं दारांत उबीं. ताका पळोवन म्हाका खूब हांसूंक आयलें. पूण मनान भंयुय दिसलो.
स्नेहल कारबोटकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
