भांगरभूंय | प्रतिनिधी
6 ते 9 जून मेरेन येलो अलर्ट
पणजी, प्रतिनिधीः राज्यांत मॉन्सून आयले उपरांत पणजेंत सगळ्यांत चड म्हळ्यार 2 इंच (49.2 मीमी) पावसाची नोंद जाल्या. पेडणें, काणकोणां आनी केप्यां फांटल्या 24 वरांत पावसाची नोंदूच जावंक ना. हाका लागून मॉन्सूनान राज्यात नेटाची सुरवात केली, अशें म्हणप योग्य थारचें ना.
केरळांत मॉन्सून पावले उपरांत 4 दिसांनी तो राज्यांत पावता. हे खेपो सुध्दा तो 4 दिसानीच पावलो. पणजे सोडली जाल्यार हेर वाठारांनी 1 इंचा परस उण्या पावसाची नोंद जाल्या. इतले मजगतीं हवामान खात्यान 6 जून ते 9 जून मेरेन राज्यांत यलो अलर्ट जारी केला. 6 ते 9 जून मेरेन राज्यांत गडगडाटा सयत व्हडलो पावस पडपाची शक्यताय आसा. कांय कडेन 30 ते 40 किमी वेगान वारें व्हांवतलें, असो अदमास हवामान खात्यान उक्तायला. बुधवारा सकाळीं सगळी कडेन खर वत पडिल्ले. पणजेंत चडात चड 31.4 अंश तापमानाची नोंद जाल्या.
फाटल्यां 24 वरांत (मॉन्सून आयले उपरांत) साखळें 15.2 मीमी, मुरगांव 13.4 मीमी, म्हापशें 12.2 मीमी, वाळपय 8.6 मीमी, दाबोळें 7.2 मीमी आनी सांग्यार 1.3 मीमी पावसाची नोंद जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
