भांगरभूंय | प्रतिनिधी
नवी दिल्ली, खबरां संस्था ः मे म्हयन्यांत भारतांत व्हेज थाळयेचे दर वर्सुकी 9 टक्क्यांनी वाडून 27.8 रुपया जालें. फाटल्या वर्सा मे 2023 वर्सा व्हेज थाळयेचो खर्च 25.5 रुपया आशिल्लो. बिरेस्तारा (6 जून) जाहीर केल्ल्या म्हयन्याळ्या अन्न प्लेट दर निर्देशांकांत CRISIL न ही म्हायती दिल्या.
फाटल्या म्हयन्याच्या एप्रीलाच्या तुळेंत मे म्हयन्यांत व्हेज थाळयेचे दर 1 टक्क्यांनी वाडल्यात अशें CRISIL न सांगलें. एप्रीलांत व्हेज थाळयेचो खर्च 27.4 रुपया आशिल्लो.
टोमॅटो, बटाट आनी कांद्यांक लागून व्हेज थाळयेचो दर वाडलो
क्रिसिलाच्या अहवाला प्रमाण टोमॅटो (39%), बटाट (41%) आनी कांदो (46%) हांचे दर वाडिल्ल्यान व्हेज थाळयेच्या दरांत वाड जाल्या. तांदूळ (13%) आनी दाळ (21%) हांचेय दर वर्सुकी आदाराचेर वाडल्यात.
जिरें, मिरसांग आनी वनस्पती तेलाचे दर देंवपाक लागून व्हेज थाळयेचे दर आनीक वाडूंक नात अशें क्रिसिल हांणी सांगलें. जिरें 37%, मिरसांग 25% आनी वनस्पती तेल 8% उणें जालें.
क्रिसिलाच्या अहवाला प्रमाण मांसाहारी थाळयेचे दर वर्सुकी 7 टक्क्यांनी देंवून मे म्हयन्यांत 55.9 रुपया जाले. फाटल्या वर्सा मे 2023 त मांसाहारी थाळयेचे दर 59.9 रुपया आशिल्लें.
ब्रायलर म्हळ्यार चिकनांत 16 टक्क्यांनी देंविल्ल्यान मांसाहारी थाळयेचे दर उणे जाल्यात अशें क्रिसिल हांणी सांगलें. मांसाहारी नाशिल्ल्या थाळयेच्या खर्चांत चिकनांचो वांटो 50% आसता. तेच बरोबर मांसाहारी थाळी तयार करपाचो खर्च एप्रीलांत 56.3 रुपया आशिल्लो तो 1 टक्क्यांनी उणो जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
