भांगरभूंय | प्रतिनिधी
सां पेद्रो, खबरां संस्था: मेक्सिकोंत जाल्ल्या एका अपघातांत ९ जाणांक मरण आयलां. राष्ट्रपतीच्या वेंचणुकेच्या प्रचारा वेळार वादळाक लागून माचयेचें सेटअप कोसळून तांणी अपघात घडला. उत्तर मेक्सिकोंतल्या सॅन पेड्रो गार्झा गार्सिया हांगा उमेदवार जॉर्ज आल्वारीस मायनेझ प्रचारांत आसतना अचकीत वारें आयिल्ल्यान माचये खातीर उबी केल्ली लोखणाची स्टेज कोसळ्ळी. हो सगळो अपघात कॅमेर्याचेर कैद जाला.
नेमकें कितें घडलें?
सोशल मिडियाचेर पोस्ट केल्ल्या व्हिडिओंत दिसता, मायनेझ स्वताच्या नांवाची घोशणा करपी गर्दे कडेन तोंड करून उलयतना दिसता. अचकीत तांचे फाटल्यान आशिल्लो व्हडलो डिजिटल डिस्प्ले आनी माचये खातीर केल्लो हेवी मेटल मोल्ड उडपाक लागता आनी गर्दे कडेन वचून पडटा. कोणाक कळचे पयलींच स्क्रीन फुडले गर्देचेर पडटा. वार्याची गती आनी दिका पळोवन स्टेजीर आशिल्ल्यांक थंयच्यान पळून वचपाक मेळटा आनी तातूंतल्या कोणाकूच दुखापत जायना. व्हिडियोंत स्टेजीर आशिल्ल्या लोकांच्या तकले वयल्यान स्क्रीन सरळ मुखार आशिल्ले गर्देचेर वचून पडटा अशें दिसता. सेकंदां उपरांत माचयेचो एक भाग कोसळ्ळा हें पळोवन मायनेझ माचये वयल्यान धांवतना दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
