भांगरभूंय | प्रतिनिधी
खबरां संस्था
क्राइस्टचर्चः श्रीलंके आडची पयली टॅस्ट मॅच जिखपा खातीर न्यूझिलंडाक 257 धांवड्यांची गरज आसा. चवथ्या दिसाचो खेळ सोपलो तेन्ना न्यूझिलंडाक 1 आवट 28 धांवड्यो केल्ल्यो. टॉम लाथम आनी केन विलियम्सन खेळटात. चवथ्या दिसा श्रीलंकेन 3 बाद 83 वयल्यान खेळ फुडें सुरू केलो. एंजलो मॅथ्यून तांचो डाव साल्वार करतना शेंकडो केलो.
मॅथ्यून 115 धांवड्यो केल्यो. चंडीमलान 42 आनी धनंजय डिसिल्वान 47 धांवड्यो केल्यो. मॅथ्यू आनी चंडिमलान 105 धांवड्यांची भागिदारीक केली. श्रीलंकेचें बाकीचे बॅट्समन प्लॉप जाले. प्रभात जयसूर्या (6), डिकवेला (10), रजिथा (14), लाहिरू कुमारा (8) आनी असिथा फर्नाडो (0) सवाय भितर आवट जाले.
न्यूझिलंडा वतीन ब्लेयर टिकनरान 4 आनी मॅट हेन्रीन 3 विकेटी घेतल्यो. टीम सावदीन 2 विकेटी मेळ्ळ्यो. न्यूझिलंडाच्या दुसऱ्या डावांत लाथन 11 आनी विलियम्सन 7 धांवड्यांचेर खेळटात. ओपनर डेवोन कान्वे 5 धांवड्यो करून रजिथाच्या बॉलार आवट जालो. श्रीलंकेक वर्स टॅस्ट चॅम्पियन सर्तीचे फायनलींत प्रवेश करपाक जाय जाल्यार हे दोन टॅस्ट मॅचींचे माळेंत न्यूझिलंडाक क्लीन स्वीप करपाची गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
