भांगरभूंय | प्रतिनिधी
पणजी ः मॅजेस्टीक प्रायड ग्रुप आॅफ हाॅटेल्स आनी कसिनो हांणी आॅगस्ट धमाका जाहीर केला. जाचे वरवीं गिरायकां कितलींशींच इनामां जिखूंक शकतले आनी 5 ते 27 आॅगस्ट मेरेन परबो मनोवपा खातीर गोंयांत येवपी सेलेब्रिटीकूय मेळूंक शकतले. हो उपक्रम पणजेचे मांडवी जेटीचेर आशिल्ल्या मॅजेस्टीक प्रायड कसिनो आनी पर्वरेच्या निओ मॅजेस्टीकांतल्या मॅजेस्टीक पॅराडायजांत सुरू आसा. स
आॅगस्ट धमाका खातीर फुडले कांय दीस मॅजेस्टीक प्रायड ग्रुपांत येवपी सेलेब्रिटींचो आंकडो वाडटलो असो अदमास आसा. बाॅलीवूड स्टार अर्जुन कपूर
13 आॅगस्टाक जाल्यार काॅमेडियन राजपाल यादव 19 आॅगस्टाक भेट दिवपाचो आसा. भारताचो नामनेचो क्रिकेटर हरभजन सिंग 20 आॅगस्टाक येवपाचो आसा जाल्यार अभिनेतो साहिल खान 26 आॅगस्टाक आनी अभिनेत्री सोनल चौहान 27 आॅगस्टाक येवपाची आसा.
अशे तरेचो उपक्रम चालीक लावपाची मॅजेस्टीक प्रायड ग्रुपाची ही पयलीच फावट न्हय. ह्या ग्रुपान भारताचो प्रोफेशनल बाॅक्सर विजेंदर सिंग आनी रशियेचो आर्टीश लाॅप्सन हांचे मदीं पयलीवयली आॅफशोर कुस्तीय आयोजीत केल्ली तशेंच मॅजेस्टीक प्रायड कसिनोचे हस्तुकीं रुप्या पदक जैतिवंत रवी कुमार दहिया हांचो भोवमानूय केल्लो. इतलेंच न्हय जाल्यार सजावटी संबंदान कितल्योश्योच सर्तीय आयोजीत केल्ल्यो.
मॅजेस्टीक प्रायड आनी पॅरेडायज हे गोंयचे सगल्यांत फामाद कसिनो. तातूंत गिरायकांक नामनेच्या थळाव्या आनी आंतरराष्ट्रीय गेमींचो अणभव घेवंक मेळटा.
तशेंच आर्गोसी डायनरांत खातना-पितना डीजे संगिताचोय आस्वाद घेवंक मेळटा. तातूंत ‘ओकी पोकी’ नांवाचो एक खेळूय भुरग्यां खातीर आसा आनी भुरग्यांची जतनाय घेवपाक एके व्यक्तीची नेमणुकूय केल्ली आसा. हवामानाचो अदमास घेवपी एक विभागूय हांगा आसा जंय बसून तुमी सुर्यास्ताचो आनी पणजी शाराचो सुंदर देखावो अणभवूंक शकतात.
संवसारीक नामनेच्या मनरिजवणेच्या कार्यावळीं सयत मॅजेस्टीक ग्रुप आॅफ हाॅटेल्स आनी कसिनोचो नव्यो नव्यो गेमी सुरू करपाचो विचार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
