भांगरभूंय | प्रतिनिधी
भांगरभूंय । प्रतिनिधी
वास्कोः अखील गोंय ज्येश्ठ नागरीक म्हासंघा कडेन संलग्न आशिल्ल्या मुरगांव तालुको ज्येश्ठ नागरीक मंचान मुरगांव तालुको पांवड्यार 19 डिसेंबराक नेटान चलपाची (ब्रिस्क वॉक) सर्त आयोजीत केल्या.
60 तें 70 वर्सा पिरायेच्या गटांतले ज्येश्ठ नागरीक, 70 वर्सां पिराये वयले नागरीक, 60 वर्सा आनी ताचे परस चड वर्साच्यो बायलो अशा तीन गटांत ही सर्त घेतले. सर्त जोशी चौकांतल्यान सुरू जावंन स्वातंत्र्य पथ मार्ग, सेंट अँड्रयू चर्च, एफ. एल गोम्स मार्गा कडलें टिळक मैदान ह्या मार्गान परत जोशी चौक अशी जातली. सर्तींतल्या पयल्या तीन जैतिवंताक यादस्तिक आनी हेर सर्तकांक प्रशस्तीपत्रकां दितले. सर्तींत वांटेकार जावपा खातीर सर्तकानी आपलीं नांवां 10 डिसेंबर मेरेन मंचाचो अध्यक्ष अनिल चोडणकार (9422437275), सचीव बी एल इंगलहळ्ळी (9422387204) हांचे कडेन दिवची, चडावत म्हायती खातीर अनिल चोडणकारा हाचे कडेन संपर्क सादचो अशें आयोजकांनी कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
