भांगरभूंय | प्रतिनिधी
मुरगांव गट कॉंग्रेस समितीन मुरगांव पालिकेच्या मुख्याधिकार्यांक दिलें निवेदन
वास्को, प्रतिनिधी: मुरगांवच्या सडा वाठारांत डेंग्यू दुयेंतीचो आंकडो वाडटा असो दावो करून मुरगांव गट कॉंग्रेस समितीन मुरगांव पालिकेचे मुख्याधिकारी दीपेश प्रियोळकार हांकां निवेदन दिलें. हे विशीं योग्य पावलां उबारपाचें आस्वासन प्रियोळकर हांणी दिलें.
कॉंग्रेस प्रदेश समितीच्या ओबीसी विभागाचे अध्यक्ष नितीन चोपडेंकार हांच्या नेतृत्वा खाला स्टँली वाझ, राजू यादव, लकाप्पा डोडामणी, सलिम शेख, जी किरण कुमार, डायगो फर्नांडीस हांणी मुख्याधिकारीची भेट घेवन तांकां निवेदन दिलें. डेंग्यूचो प्रसार जावचो न्हय म्हणून योग्य तीं पावलां उबारपाची मागणी निवेदनांत केल्या. ह्या निवदेनाची दखल घेतना प्रियोळकार हांणी रोखडेंच संबंदीत व्यक्तीक आपोवन डेंग्यू संबंदी योग्य तीं पावलां उबारपाचे निर्देश दिले. तशेंच निवेदनांत ज्यो सुचवण्यो केल्यो ताची अमलबजावणी करपाचें आस्वासन दिलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
