भांगरभूंय | प्रतिनिधी
पणजी : एनडीएची बसका तशेंच निती आयोगाचे बसके खातीर मंगळारा रातीं दिल्लींत गेल्ले मुख्यमंत्री डॉ. प्रमोद सावंत हे केंद्रीय मंत्र्यांच्यो भेटीगाठी घेत आसात. आयज बुधवारा तांणी केंद्रीय ऊर्जा आनी गृहनिर्माण मंत्री मनोहरलाल खट्टर हांची भेट घेवन विवीध येवजण्यांचेर चर्चा केली.
राज्यांतले गृहनिर्माण प्रकल्प, शार उदरगत येवजण्यो हांचेर चर्चा जाल्ल्याची म्हायती मुख्यमंत्री डॉ. प्रमोद सावंत हांणी दिली. राज्यांतल्या प्रलंबीत प्रकल्पां खातीर निधी तशेंच हेर मजत करपाची मागणी मुख्यमंत्री डॉ. प्रमोद सावंत हांणी केली. डॉ. सावंत हांची फाटल्या १० दिसां भितर दिल्लींत वचपाची ही चोवथी खेप आसा. हाचे पयलीं जाल्ले भेटींत तांणी प्रधानमंत्री नरेंद्र मोदी, गृहमंत्री अमित शहा, पर्यावरण मंत्री भूपेंद्र यादव, कामगार मंत्री मनसूख मांडविया, रेल्वेमंत्री अश्विनी वैष्णव, न्हंय येरादारी मंत्री सर्बानंद सोनोवाल, शिक्षण मंत्री धर्मेंद्र प्रधान हांची भेट घेवन विवीध विशयांचेर चर्चा केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
