भांगरभूंय | प्रतिनिधी
निर्गती सयत हस्तकला येवजणे विशीं आयकतले कागाळी
भांगरभूंय । प्रतिनिधी
पणजी : स्वयंपूर्ण गोंय मोहिमे खाला मुख्यमंत्री डॉ. प्रमोद सावंत हे शेनवारा 16 मेक सकाळीं 10 वरांचेर वर्चुअल स्वरुपांत गोंयकारां कडेन संवाद सादतले. हस्तकला, हस्तकारागिरी संबंदी तरेकवार येवजण्यांची म्हायती दिवपा सयत ते लोकांच्या प्रस्नाक जापो दितले. ही कार्यावळ वर्चुअल स्वरुपांत आसतली. हस्तकला आनी लुगटां उद्देग खात्याचे संचालक सगूण वेळीप हांणी पत्रकार परिशदेंत ही म्हायती दिली. ही कार्यावळ सकाळीं 10 ते 11.30 मेरेन जातली. गोंयांतल्यो सगल्यो पंचायती आनी नगरपालिकांनी व्हड स्क्रीनीचेर ही कार्यावळ पळोपाक मेळटली. पंच, सरपंच, नगरसेवक, नगराध्यक्ष, स्वयंपूर्ण मित्र हांचे सयत सामान्यांक वांटेकार जावपाक मेळटलें. पयली खात्या वतीन राज्य सरकार तशेंच केंद्राच्या येवजण्यां विशीं सादरीकरण जातलें. हस्तकला, लुगटा उद्देग मळा वयले येवजणे विशीं हें सादरीकरण आसतलें. ताचे उपरांत मुख्यमंत्री संवाद सादतलें. जनतेच्या प्रस्नांक वर्चुअल पद्दतीन ते जापो दितले. कुणबी साडी तशेंच हेर हस्तकला वस्तूंक बाजारपेठ उपलब्ध जावपाक जाय. हस्तकला वस्तूंचे निर्गतीचेर खात्याचो भर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
