भांगरभूंय | प्रतिनिधी
खबरां संस्था
मुंबयः मुंबय क्रिकेट असोसिएशनान (एमसीए) रणजी करंड खेळगड्यांची फी वाडोवपाचो निर्णय घेतला. फुडल्या सिझना सावन ही फी वाड लागू जातली. अणभवी खेळगड्यांक 2024-25 च्या सिझना खातीर फर्स्ट क्लास मॅची खातीर 4 लाख 80 हजार फी मेळटली, बाकीच्या खेळगड्यांक बीसीसीआय वतीन दरेका मॅचीक 2 लाख 40 हजार रुपये मेळटात.
एमसीए उपरांत भारतीय क्रिकेट नियामक मंडळान (बीसीसीआय) बाकी स्टेट बोर्ड प्लेयारांची फी वाडोवपाक शकता.
रणजी खेळगड्यांक बीसीसीआय वतीन फी मेळटा. ते खातीर तीन स्लॅब निर्धारीत केल्यात. 40 परस चड फर्स्ट क्लास मॅच खेळल्ल्या खेळगड्यांक दिसाक 60 हजार रुपये मेळटात. चार दिसां खातीर ही रक्कम 2 लाख 40 हजार जाता. 21 तें 40 फर्स्ट क्लास मॅची खेळल्लयांक दिसाक 50 हजार रुपया मेळटात. चार दिसां खातीर ही रक्कम 2 लाख रुपये जाता. 20 परस उण्यो मॅची खेळल्ल्यांक दिसाक 40 हजार आनी चार दिसांक 1 लाख 60 हजार रुपये मेळटात.
मुंबय पंगडाक 5 कोटी
मुंबयन अंदूच्या रणजी सर्तींत आठ वर्सां उपरांत वस्तादपण मेळयलां. अजिंक्य रहाणे हांच्या फुडारपणा खाला मुंबय पंगडान विदर्भाक हारयलें. रणजी सर्तींतले मुंबयचें हें 42वे जैत आसा. मुंबयच्या रणजी जैता खातीर तांकां 5 कोटी रुपये मेळ्यात. मुंबय क्रिकेट असोसिएशनान लेगीत 5 कोटी रुपये दिल्यात. हे प्रमाण ह्या पंगडांक 10 कोटी रुपये मेळ्ळ्यात.
घरगुती क्रिकेट खेळपी खेळगड्यांची चड जोड मेळपाक जाय. चड करून रणजी सर्तींत खेळपी खेळगड्यांक ती मेळपाक जाय अशें मंबय क्रिकेट असोसिएशनाचो अध्य7 अमोल काळे हाणे सांगलें. तांबड्या सिझन बॉलाची क्रिकेटीक खूब गरज आसा. मुंबयच्या दरएका खेळगड्याच्या काळजांत रणजी सर्तीचें मोल सगल्यांत चड आसा. ताका लागून तांची फी वाडयल्या अशें ताणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
