भांगरभूंय | प्रतिनिधी
लिंबू 10 रुपयांक एक, मानकुराद 2 हजार रुपया डझन
भांगरभूंय । प्रतिनिधी
पणजीः कांदो, लसणी उपरांत आतां मिरसांगेचो दर सोमारा पणजी बाजारांत 140 रुपया कील आशिल्लो. लिंबू आकारा प्रमाण 8 ते 10 रुपया एक मेळटालो. मटार, शिमला मिरसांग 120 रुपया कील आसली. फाटल्या सप्तकाचे तुळेंत हेर भाजयांचे दर थीर आशिल्ले. सोमारा पणजी बाजारांत कांदो 30 रुपया कील, टमाट 30 रुपया कील जाल्यार बटाट 40 रुपया कील ह्या दरान विकताले. भेंडो, घोसाळीं, बिन्स 80 रुपया कील जाल्यार वायंगी, गाजर 60 रुपया कील आसलो. कोबी 40 रुपया कील जाल्यार फ्लॉलर 40 रुपयाक एक नग, कोथमीर 20 रुपया जाल्यार वॉटेलांव आनी तांबडी भाजी 10 रुपयांक जुडी मेळटाली. पणजी बाजारांत मानकुराद आंब्याचो दर 2 हजार रुपया डझन जाल्यार हापूस आंब्याचो दर आकारा प्रमाण 600 ते 800 रुपया डझन आसलो. फुडल्या कांय दिसांनी आंब्याचो दर देंवपाची शक्यताय आसा. पणजी बाजारांत सोमारा मध्यम आकाराचो निरपणस 350 रुपयांक एक नग विकताले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
