भांगरभूंय | प्रतिनिधी
35 विवीध कलाकारांनी घेतलो वांटो: कलाकारांचे कलाकृतीचें प्रदर्शन
माशेल: सम्राट क्लब माशेल वतीन माशेल वाठारांतल्या कलाकारांक कलेची माची मेळची ह्या हेतान हालींच 35 कलाकारांचे ‘कलाविष्कार’ हे दोन दिसांचे आगळे वेगळे कार्यावळीचें येसस्वी तरेन आयोजन केल्लें. हे कार्यावळीक विवीध कलाकार, थळावे नागरीक आनी हेर मानेस्तांचो बरो प्रतिसाद मेळ्ळो.
ह्या वाठारांतले सिध्देश च्यारी, संकेत लवंदे, प्रभव गांवकार, साईराज तारी, लक्ष्मण नायक, नितीन नार्वेंकार, रामचंद्र शेट नार्वेंकार, गंधार शेटकार, प्रवर आचार्य, हर्ष कुंडयकार, नितेश नायक, मंदा शिंदे, अधॉन नाईक, सायन बाला, सिद्धांत पंत, आयमन खान, वैभव भगत, यश कुंडयकार, वेदान्त कुंभार, साईचरण तिळवे, डॉ. चित्रलेखा नायक, डॉ. अनुजा नायक, गरेश तारी, किर्तीकुमार प्रभू, दयानंद भगत, प्रिती प्रभू, समीर नायक, प्रकाश भगत माशेलकार, आनंद शेट नार्वेंकार, दिपश्री शेट नार्वेंकार, साईली रायकार, गिरीश नावेलकार, शंकर तुरी, कुंदा परब, बिसाजी गडेकार, आर्यन नायक, प्रवीण नायक हे ‘कलाविष्कार’ कार्यावळींत वांटेकार जाल्ले.
हे कार्यावळीचे दोन वांटेकार जाल्ल्या सगळ्या कलाकारांचे कलाकृतीचें प्रदर्शन, तशेंच अनूज शेट नार्वेंकार आनी संकेत लवंदे हांची कला जुगलबंदी, आनंद शेट नार्वेंकार हांची कागदी हस्तकला, सगळ्या कलाकारांचें आवटडोअर पेंटींग, अशे विवीध उपक्रम हे दोन दीस राबयल्ले.
सम्राट क्लब माशेलचे मंगेश गांवकार आनी चित्रकार अनुज शेट नार्वेंकार हांचे संकल्पनेंतल्यान ही ‘कलाविष्कार’ कार्यावळ घडली. ही कार्यावळ येस्वी करपा खातीर सम्राट क्लब माशेलची अध्यक्ष अनिता रायकार, सचीव उन्नती भगत, भांडारी मंगेश गांवकार, तशेंच सगळे पदाधिकारी आनी वांगडी, 35 कलाकार आनी दयानंद भगत, किर्तीकुमार प्रभू, आनंद शेट नार्वेंकार हांणी ही कार्यावळ येसस्वी करपा खातीर विशेश मेहनत घेतली.
ह्या वेळार सम्राट क्लब इंटरनॅशनलचे गुरुप्रसाद शिंक्रे, तशेंच हेर विवीध पदाधिकार्यांनी व्हडा संख्येन हाजीर रावन कलाकार आनी पदाधिकार्याचे ह्या अभिनव उपक्रमा विशीं विशेश तोखणाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
