मार्गदर्शी मुख्यमंत्री, संरक्षणमंत्री

भांगरभूंय | प्रतिनिधी

गोंयांक राज्य पावंडो फावो जातना जापसालकी वाडली आनी आमदारांचे भत्ते, पगारय वाडले. राज्याक पयल्या दसकांत मेळिल्ले मार्गदर्शी मुख्यमंत्री मनोहर पर्रीकार हांचो तो निर्णय. त्या निर्णयान फकत गोंयच्या न्हय देसांतल्या लोकप्रतिनिधींचे पगार, भत्ते वाडले. कसल्याय मुख्य धोरणात्मक निर्णयापयलीं पक्षविरयत लोकप्रतिनिधींकडेन ते भासाभास करताले. निमण्या पावंड्यार अधिकारी, वरिश्ठ लोकप्रतिनिधींक विश्वासांत घेवन विधेयक मांडटाले. समेस्तांनी केल्ले टिकेक जाप दिवपाची तांक तांचे मदीं आशिल्ली. अणभवान ते शाणे जायत गेले आनी टिकाकारांक जापोय दिवप तांणी बंद केलें. एकचित्त जावन कायदे करुन गरज पडल्यार ते सुदारप जैताकडेन व्हरपी आसता. ही देख तांणी घालून दिली. ते खातीर प्रधानमंत्री नरेंद्र मोदी हांचे सयत सगल्यांनी तांची तोखणाय केल्या.
आमदारांचो पगार, भत्ते, कर्मचारी वाडयतना तांचे कडल्यान चुकोय जाल्या आसत जाल्यार त्यो सुदारच्यो, बदलय करचे. गोंय राज्य जाल्ल्यान सरकाराक केंद्रा कडल्यान पयसोय चड मेळटा. आमदारांचो पगार वाडयल्यार तो लोकां मेरेन पावतलो, नरकासूरांक न्ही कृष्णांक मेळटलो हाची जतनाय घेवची हें तांणी भाशणांतल्यान शिकयलें. “नरकासूर करुं नाकात, कृष्ण करात. हांव म्हज्या बोल्सांतल्यान पन्नास हजार रुपया दितलों.” हीं मनोहरबाबांची उतरां नरकासूर सर्तीच्या इनामां वांटप कार्यावळींतलीं. आमदारां कडेन पैशे मागपाक दिसपट्टे येवपीय आसतात. म्हजे कडेनय ते येतात हीं उतरांय आदल्या मुख्यमंत्र्यांचीच. विधानसभेंत आमदारांक पयलेच फावट पगार, भत्ते वाडोवन दिवपी विधेयकाक मान्यताय घेतना.
विरोधी पक्ष मुखेली आसतना ते अभ्यास करुन उलयताले. तेच पद्धतीन मुख्यमंत्री म्हणून जापोय दिताले. आवाजांत बदल आसतालो, मुखामळार जापसालदारकेची सया सभाघराचे फुडारी, बापूय म्हणून. हुसक्या विरयत राजकी वावराक तांकां सदांच उमेद मेळ्ळी
ती पयलींचे मुख्यमंत्री प्रतापसिंह राणे हांचे कडल्यान. मेकळेपणान तशें तांणी विधानसभेंतय सांगलां. विधानसभेंत विधेयकां मांडटना, विधेयकाक मान्यताय घेतना कायद्याचें गिन्यान तांकां दिवपी हजार. विधेयक कायद्याचे मान्यतायेक वच्चे आदीं अर्थकारणाचो विचार करचो पडटा. ते विशीं म्हायती विधेयकांत आसता.

(सुहासिनी प्रभुगांवकार हांचो हो सविस्तर लेख वाचात फाल्यांच्या अंकांत)