भांगरभूंय | प्रतिनिधी
पणजी : गोंयांत खाजगी वाहनां पर्यटकांक भाड्याक दिवन पयशे जोडपाचे प्रकार खूब वाडल्यात. मायणा- शिवोले अशेच एके खाजगी गाडयेक अपघात जाले उपरांत हणजूण पुलिसांनी कारचालका सयत वाहन धनी बायले आड गुन्यांव नोंद केला. ह्या अपघातांत दुचाकी चालक सुश्मिता बेनकार (रा. शेळपें, म्हापशें) ही जखमी जाल्ली.
पुलिसांनी दिल्ले म्हायती प्रमाण, दिल्लीचो विक्रम पटेल हो संबंदीत गाडी चलयतालो. ताच्या निश्काळजीपणाक लागून अपघात घडिल्ल्याचो आरोप केलो. तशेंच संबंदीत गाडीय खाजगी नोंदणीची आसतना ती भाड्यान दिल्ल्याचें तपासांत सामकार आयलें.
हे विशीं वाहन धनी यश्मिता नायक (रा. हडफडें) हांचेय आड गुन्यांव नोंद केलो. यश्मिता ही एका पुलिसाची घरकान्न आशिल्ल्याची म्हायती मुखार आयल्या. खासगी वाहनाचो वेवसायीक वापर केल्ल्या प्रकरणांत तांचेर संबंदीत मोटार वाहन कायद्या खाला कारवाय सुरू केली.
हणजूण पुलिसांनी अपघातांची नोंद करून फुडलो तपास सुरू केलो. अपघाताच्या नेमक्या कारणांचो सोद घेतात. जखमी सुश्मिता हांचेर उपचार केल्यात. तांची भलायकी स्थिर आशिल्ल्याचें समजता.
#Marna #Shivolim #Goa #Accident #FIR #GoaPolice #AcccidentNews #GoaAccident #NewsInKonkani
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
