भांगरभूंय | प्रतिनिधी
पणजी, प्रतिनिधी ः आमदार मायकल लोबो आनी दिगंबर कामत हांचे आड प्रदेश कॉंग्रेस अध्यक्ष अमित पाटकार हांणी दाखल केल्ली अपात्रताय याचिका सभापती रमेश तवडकार हांणी भायरायल्या. विधानसभा अधीवेशना वेळार जूलय 2022 वर्सा पाटकार हांणी ही याचिका दाखल केल्ली. आमदार मायकल लोबो आनी दिगंबर कामत हे ते वेळार काँग्रेस पक्षात आशिल्ले. मायकल लोबो हे तेन्ना विरोधी पक्ष फुडारी आशिल्ले. लोबो आनी कामत हांणी काँग्रेस पक्षात फुट घालपाचे येत्न केले. हे खातीर तांकां अपात्र करचें अशी मागणी पाटकर हांणी अपात्रताय याचिकेत केल्ली. हे याचिकेचेर बऱ्योच सुनावण्यो जावन सभापती तवडकार हांणी याचिका भायरावपी निवाडो दिला.
सप्टेंबर 2022 वर्सा कॉंग्रेसच्या 8 आमदारांनी वेगळो गट स्थापन करुन भाजपात प्रवेश केलो. ह्या 8 आमदारांआड आनीक अपात्रताय याचीका सभापती कडेन प्रलंबित आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
