भांगरभूंय | प्रतिनिधी
उत्तर प्रदेशांत वादळी वार्यासयत पावस: तिगांक मरण
नवी दिल्ली: केरळांत ४ जुनाक पावस दाखल जालो. उपरांत ६ जून मेरेन पांच राज्यांनी तो मुखार सरलो. आतां फाटले ७ दीस तमिळनाडूंतल्या चेन्नय, महाराष्ट्रांतल्या हरना आनी बंगालांतल्या सिलीगुरी हांगा रावला. पूण फुडल्या तीन दिसांनी पावस नेटान मुखार वचपाची शक्यताय आसा. रोखडेंच महाराष्ट्र, तेलंगणा आनी आंध्र प्रदेशांतल्या हेर वाठारांनी पावस पावतलो. गुजरात सोडल्यार हेर सगल्या राज्यांनी मान्सुना पयलींच्या पावसाचो परिणाम जालाा. राजस्थान, मध्य प्रदेश, उत्तर प्रदेश, बिहार, पंजाब, दिल्ली, अस्तंत बंगाल हांगा पावस पडलो.
युपीच्या चित्रकुटांत ४.५ कोटी रुपयांच्या हॉलाचें पांखें उडून गेलें. इटावा, सीतापूर आनी फिरोजाबाद हांगा अपघातांत ३ जाणांक मरण आयलें. खर वार्याक लागून झाडां, टीनशेड आनी गेटी पडून जायत्या सुवातांचें लुकसाण जालें.
जाल्यार, पंजाबच्या मानसांत नेटान आयिल्ल्या वादळांत लोखणाची पडिल्ल्यान ९ वर्सांच्या भुरग्याक मरण आयलें. राजस्थानाच्या खुबश्या वाठारांनी वाद-वारें आयलें. दिल्लीच्या वायट हवामानाक लागून २ विमानां जयपुरायक वळयलीं.
२२ राज्यांनीं नेटान पावसाचो अलर्ट
आयज २२ राज्यांनी नेटान पावसाचो अलर्ट आसा. हातूंत गोंय, राजस्थान, मध्य प्रदेश, उत्तर प्रदेश, बिहार, झारखंड, छत्तीसगड, ओडिशा, दिल्ली, पंजाब, हरियाणा, हिमाचल प्रदेश, उत्तराखंड, जम्मू-काश्मीर, पश्चिम बंगाल, सिक्कीम, अरुणाचल प्रदेश, आसाम, मेघालय, तामिळनाडू, केरळ, कर्नाटक आनी आंध्र प्रदेश हांची आसपाव आसा. जाल्यार गुजरात सोडल्यार हेर सगल्या राज्यांनी पावसाचो येलो अलर्ट आसा.
८ राज्यांनी पारो ४० डिग्री सॅ. परस चड
मान्सून आसून लेगीत युपी, दिल्ली, राजस्थान, एमपी, महाराष्ट्र, गुजरात, पंजाब आनी हरियाणाच्या जायत्या शारांनी पारो ४० डिग्री सॅ. परस चड उरलो. देशांत सगळ्यांत चड पारो पंजाबांतल्या बथिंडा शारांत नोंद जाला. हांगा पारो ४६.२ डिग्री सॅ. देखून राजस्थानांतल्या श्रीगंगानगरांत ४५.९ डीग्री सॅ., युपींतल्या बांदा हांगा ४५.४ डीग्री सॅ., महाराष्ट्रांतल्या ब्रह्मपुरींत ४५.५ डिग्री सॅ. आनी एमपिंतल्या खजुराहो हांगा ४५ डिग्री सॅ. पारो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
