भांगरभूंय | प्रतिनिधी
पणजी, बातमीदार ः बाजारांत मानकुराद आंबे चड प्रमाणांत उपलब्ध जाल्ल्यान दर उणे जाल्यात. मंगळारा पणजे बाजारांत मानकुराद आंब्याचें दर आकारा प्रमाण दर डझनाक 600 ते 800 रुपया आशिल्लें. हापुस आंब्याचो दर डझनाक 400 ते 500 रुपया जाल्यार पायरी आंब्याचो दर डझनाक 400 रुपया आशिल्लो. बाजारांतल्या हेर भाजयांचे दर फाटल्या सप्तकाच्या तुळेंत स्थीर आशिल्ले. पूण मिरसांग, शिमला मिरसांग 120 रुपया आनी वाल पापडी बीन्स 200 रुपया किलो दरान विकपाक आशिल्ले.
पूण आलें आनी लसूण हांचे दर वाडल्यात. आलें 220 रुपया आनी लसूण 400 रुपया किल जाला. फाटल्या सप्तकाचे तुळेंत पणजे बाजारांत बटाटाचे दर 10 रुपयांनी वाडोन 50 रुपया दर किल जाल्या. कांदो, टोमॅटो हांचे दर 35 आनी 30 रुपया आशिल्ले. मंगळारा फलोत्पादन गाड्यांचेर कांदो 27 रुपया, टोमॅटो 25 रुपया, बटाट 35 रुपया आनी मिरसांग दर किलो 79 रुपया आशिल्ली.
पणजे बाजारांत लिंबाचे दर आकाराप्रमाण 8 ते 10 रुपया दर आशिल्ले. वांयगे 50 रुपया, भेंडी 80 रुपया, दोडकी 80 रुपया, गाजर 80 रुपया, कारले 80 रुपया दर किल विकताले. कोबी दर किल 40 रुपया आनी फ्लॉवर 40 रुपया एक आशिल्लो. हाचे भायर कोथमिरी 20, पुदीना आनी तांबडी 10 रुपया. जाल्यार मेथीची भाजी 15 रुपया आशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
