भांगरभूंय | प्रतिनिधी
पेडणें, प्रतिनिधी : देवळाची फंडपेटी फोडून पयशे चोरिल्ल्या प्रकरणांत मांद्रें पुलिसांनी एकल्याक अटक केल्या.
पेडणें पुलीस उपअधीक्षक जिवबा दळवी हांणी दिल्ले म्हायती प्रमाण, १६ जुलयाक एका अनवळखी आरोपी रातचें मांद्रेंच्या ब्राह्मण देवळाचे फंडपेटयेंतल्यान रोख रक्कम चोरिल्ली. मांद्रें पुलीस स्टेशनांत हे विशींची कागाळ आयले उपरांत सीसी टिव्ही फुटेज पळोवन पुलिसांनी तपास करपाक सुरवात केली. सीसी टिव्ही फुटेज आनी गुप्त म्हायतीच्या आदारार मांद्रें पुलिसांनी मुळचो महाराष्टांतलो मात सध्या केरी, पेडण्यां रावपी दिपक पांडू निकम (३५) हाका अटक केली.
मांद्रें पुलीस निरीक्षक शेरीफ जॅक, एसडीपीओ पेडणें जिवबा दळवी आनी एसपी उत्तर अक्षत कौशल हांच्या मार्गदर्शना खाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
