भांगरभूंय | प्रतिनिधी
पेडणें, प्रतिनिधी: आयतारा फांतोडेर शॉट सर्किटाक लागून मांद्रेंच्या यश शूटिंग अकादमीच्या यश शुटींग हबाक उजो लागलो. हातूंत सुमार ३५ ते ४० लाख रुपयांचें लुकसाण जाल्ल्याची म्हायती यश शुटिंग अकादमीचे धनी योगेश्वर शिवा पाडलोस्कार हांणी दिली.
हांगा १८ ते २८ आगस्ट मजगतीं जावपी उक्त्या गटांतल्यो राष्ट्रीय शुटींग सर्ती थारिल्ले प्रमाण जावपाच्यो आशिल्ल्याचें सांगून हातूंत सुमार ५ हजार खेळगडे वाटो घेतले अशें तांणी सांगलें. ताका लागून आतांच्यानूच गोंयच्या खासा करून मांद्रें हांगच्या हॉटेलांचें व्हडा प्रमाणांत बुकींग जाल्ल्याचें पडलोसकार हांणी म्हणलें.
ह्या उज्यांत यश शुटिंग एकादमीचो सर्वर रूम तशेंच म्हजे मुखेल कुडींत दवरिल्ल्यो रायफल शुटिंगाच्यो विवीध रेंजच्यो बंदुको, पिस्तूल, ताका लागपी काडतूस, गुळयो, तशेंच टीव्ही, फ्रिज, वॉशिंग मशीन, लॅपटॉप आनी हेर सामान उज्यांत लासून गेलें. हातूंत १० परस चड बंदुको आशिल्ल्यो. ताची दरेकल्याची किंमत ३ ते १० लाख आशिल्ल्याचें तांणी मुखार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
