भांगरभूंय | प्रतिनिधी
पणजी : मांडली पुलार काल रातीं जाल्ल्या अपघातांत एकल्याक मरण आयलें. हो अपघात चार चाकी आनी पॉटहोल पॅचर मशीना मजगतीं घडलो. हातूंत अमीत यादव (२५) ह्या कामगाराक जाग्यारूच मरण आयलें. जाल्यार हेर दोग जाण गंभीर जखमी जाले. तांचेर गोमॅकोंत उपचार सुरू आसात.
मेळिल्ले म्हायती प्रमाण, मांडवी पुलार पॉटहोल पॅचर मशीना वरवीं फोंडकुलां पुरोवपाचें काम चलतालें. मजगतीं जीए ०५ एफ ६४४७ नंबराची गाडी पुलार पावली तेन्ना ड्रायव्हराचें गाडयेवेल्यान नियंत्रण सुटलें. उपरांत गाडयेन फोंडकुलां पुरोवपाचें काम करपी तिगां कामगारांक धपको दिलो. ह्या धपक्यान तिगूय कामगार गाडी आनी पॉटहोल पॅचर मशिना मजगतीं चिड्डले. हातूंत अमित यादव ह्या कामगाराक मरण आयलें, तर हेर दोग कामगार गंभीर जखमी जाले. मजगतीं, ड्रायव्हराक पुलिसांनी ताब्यांत घेतलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
