भांगरभूंय | प्रतिनिधी
पणजी, प्रतिनिधी: भाजप सरकारान महिला आरक्षण विधेयक संमत केलां आसलें तरी देशांत ताची कार्यवाय फुडले लोकसभा वेंचणुके सावन म्हळ्यार २०२९ सावन सुरू जातली. दक्षीण गोंयची उमेदवारी महिलेक दिवन गोंयांत मात महिला आरक्षणाची कार्यवाय पक्षान सुरू केल्या, अशें मुख्यमंत्री डॉ. प्रमोद सावंत हांणी स्पश्ट केलें.
दक्षीण गोंयची उमेदवारी महिलेक दिल्ल्यान महिला आनी नव्या मतदारां मदीं उमेदीचें वातावरण तयार जालां. हाका लागून राज्यांतल्या दोनूय सुवातांचेर भाजपाचें जैत निश्चीत आसा, असो विस्वास डॉ. सावंत हांणी उक्तायला. एका राष्ट्रीय खबरां चॅनला कडेन उलयतना डॉ. सावंत हांणी हें भाशण केलें.
भारतीय संविधान गोंयच्या माथ्याचेर मारलें, अशीं उतरां कॉंग्रेस उमेदवार विरियातो फर्नांडीस हांणी प्रचार सभेंत उलयतना काडलीं. ह्या उतराक लागून तांचे कडल्यान संविधानाचो अपमान जाला. तांच्या उतरांचो विडिओ उपलब्द आसा.
महाराष्ट्राचे मुख्यमंत्री देवेंद्र फडणवीस हे म्हजे बरे इश्ट. आमी सेगीत एकामेकांच्या संपर्कांत आसतात, अशें डॉ. सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
