महाराष्ट्राचे अंतीम फेरयेंत गोंयचें ‘फादर’ पयलें

भांगरभूंय | प्रतिनिधी

पणजीः 62 वे महाराष्ट्र राज्य हौशी मराठी राज्य नाटक सर्तीचे अंतीम फेरयेंत गोंयच्या मांगिरीश यूथ क्लबान सादर केल्ल्या ‘फादर’ नाटकाक पयलें इनाम जाहीर जाल्ल्याची घोशणा मुंबयच्या सांस्कृतीक कार्य संचालनालयाचे संचालक बिभीशण चवरे हांणी पत्रका वरवीं केल्या. सांस्कृतीक कार्य संचालनाया वतीन आयोजीत हे सर्तीच्या अंतीम फेरयेचे हेर निकाल फुडें दिल्ले प्रमाण.

संत कबीर शिक्षण प्रसारक मंडळ, छत्रपती संभाजीनगर हांणी सादर केल्ल्या ‘नास्ति तृष्णा समो व्याधिः’ ह्या नाटकाक आनी पुलीस कल्याण केंद्र मुंबय हे संस्थेन सादर केल्ल्या ‘एकेक पान गळावया’ ह्या नाटकाक तिसरें इनाम फावो जालें.

दिग्दर्शनः पयलें- दक्षा शिरोडकार (फादर), दुसरें- सुनील कदम (एकेक पान गळावया) आनी तिसरें- डॉ. सुरेखा मसाळ (नास्ति तृष्णा समो व्याधिः).

नेपथ्यः पयलें- मोहनदास च्यारी (फादर), दुसरें- प्रदीप पाटील (एकेक पान गळावया) आनी तिसरें- मनोज ठाकूर (नास्ति तृष्णा समो व्याधिः).

उजवाड येवजण- पयलें- श्याम चव्हाण (एकेक पान गळावया), दुसरें- तेजस खेडेकार (फादर) आनी तिसरें- प्रशांत सावंत (मॅकबेथ).

रंगभुशाः पयलें- हर्ष नायक (यत् न कथ्यते), दुसरें- वासुदेव आंब्रे (मॅकबेथ) आनी तिसरें- वैभव सावंत (चांदतारा).

संगीत दिग्दर्शनः पयलें- अनील बडे (नास्ति तृष्णा समो व्याधिः), दुसरें- निनाद म्हैसाळकर (एकेक पान गळावया) आनी तिसरें- दिलीप वझे (फादर).

उत्कृश्ठ अभिनय (रुप्यां पदक) दादले कलाकारः गणेश मिंडे (मॅकबेथ), किशोर चव्हाण (अथर), सिद्धांत जगताप (लगीन), वर्धन कामत (फादर), श्रीराम जोग (रा+धा=), श्रीकांत भगत (अतेज्ञ), सुशील इनामदार (एकेक पान गळावया), राज धाडवे (चांदतारा), डॉ. संतोष सुर्वे (दुसरा अंक), अमोघ बुडकुले (यत् न कथ्यते).

उत्कृश्ठ अभिनय (रुप्यां पदक) महिला कलाकारः प्रिसिद्धी सोनावणे (मॅकबेथ), अपर्णा सानप (दृश्टी), शेफाली नायक (फादर), ज्ञानेश्वरी मंडलीक (हायब्रीड), बकुळ धनवे (दी फियर फॅक्टर), अनुराधा वाठोडकर (सती), स्मिता पारखे (नाना, थोडं थांबा ना!), श्रृती कुलकर्णी (नास्ति तृष्णा समो व्याधिः), अश्विनी तडवळकर (समांतर), अनुजा पुरोहीत (यत् न कथ्यते).

अभिनया खातीर गुणवत्ता प्रमाणपत्राः महिला कलाकार- ऋतुजा बोढे (लगीन), वसुधा कदम (बारस), निहारिका राजदत्त (अतेज्ञ), सोनल शेवडे (तथास्तु) आनी डॉ. अनुराधा कान्हेरे (चांदतारा). दादले कलाकार- प्रथमेश होते (सती), कान्हा तिवारी (नाना थोडं थांबा ना!), इरफान मुजावर (ओअ‍ॅसीस), अभिजीत झाडे (खेळीमेळी) आनी शिवराज नाळे (नियतीच्या बैलाला). अंतीम फेरयेंत 38 नाट्यप्रयोग सादर जाले. श्रीपाद जोशी, श्याम अधटराव, संदीप देशपांडे, संगिता टेकाडे आनी मानसी राणे हांणी परिक्षक म्हूण काम पळयलें.