भांगरभूंय | प्रतिनिधी
काणकोण: श्रीस्थळ काणकोणच्या श्री मल्लिकार्जून देवाच्या वर्सुकी रथसप्तमी उत्सवाक बिरेस्तार ता. 26 जानेवारी सावन सुरुवात जातली. सोमार ता. 30 जानेवारीक श्रींची महारथांतल्यान मिरवणूक काडून रथसप्तमी उत्सवाची सांगता जातली.
पयल्या दिसा बिरेस्तार ता. 26 जानेवारीक सकाळीं श्रींचो अभिशेक, दनपरां हवन, रातच्या 8 वरांचेर श्रींची उत्सव रथांतल्यान मिरवणूक, पुजा, महाप्रसाद आनी 9.30 वरांचेर ’मुलीने केला घोटाळा’ ह्या नाटकाचो प्रयोग जातलो.
शुक्रारा सकाळीं श्रींचो अभिशेक, लघुरूद्र, रातच्या 8 वरांचेर श्रींची विजय रथांतल्यान मिरवणूक, पुजा, महाप्रसाद आनी 9.30 वरांचेर पौराणीक नाटक ‘सीता त्याग’ सादर जातलें.
शेनवार ता. 28 जानेवारीक सकाळीं श्रींचो अभिशेक, लघुरूद्र, सांजेच्या 4 वरांचेर श्रींची खांदा वेल्यान रथांतल्यान मिरवणूक, रातची पालखी, पुजा, महाप्रसाद आनी उपरांत 9.30 वरांचेर इतिहासीक नाटक ‘व्यंकोजी वाघ’ सादर करतले.
चोवथो दस आयतारा सकाळीं श्रींचो अभिशेक, लघुरूद्र आनी रातच्या 8 वरांचेर श्रींची पालखेंतल्यान मिरवणूक, पुजा, महाप्रसाद आनी 9.30 वरांचेर पौराणीक नाटक ‘गुरूदक्षिणा’ जातलें.
पांचव्या दिसा सोमारा ता. 30 जानेवारीक सकाळीं श्रींचो अभिशेक, लघुरूद्र आनी दनपरां हवन, रथोधापन, श्रींचें रथारोहण, काणूक, रातच्या 9 वरांचेर महापूजा, महाप्रसाद, उपरांत रातच्या 10.30 वरांचेर इतिहासीक नाटक ‘शिवपुत्र शंभू’ सादर जातलें. फांतोडेर श्रीची महारथांतल्यान मिरवणूक आनी उपरांत सगळ्यांक प्रसादान सांगता जातली. उत्सव येसस्वी करपा खातीर देवालयाचे अध्यक्ष विठोबा देसाय, सचीव राजेंद्र भगत, भांडारी सचिन देसाय आनी मुखत्यार प्रमोद नायक गांवकार हांणी मेहनत घेतल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
