भांगरभूंय | प्रतिनिधी
टाटा समुहाचे आदले अध्यक्ष सायरस मिस्त्री हांकां आयतारा (4 सप्टेंबर) मुंबय- अहमदाबाद म्हामार्गाचेर गाडयेच्या अपघातांत मरण आयलें. 54 वर्सां पिरायेचे सायरस 62 लाखां परस चड मोलाची मर्सिडीज जीएलसी 200 डी एसयूव्ही गाडयेंतल्यान प्रवास करताले. ही गाडी सुरक्षेचे नदरेन बरी मानतात. पूण ती महाराष्ट्रांतल्या पालघर लागसार रस्तो डिव्हायडराक आपटली आनी हातूंत सायरस हांकां मरण आयलें.
मिस्त्री तशेंच ताचे इश्ट जहांगीर पांडोले (49) हांकांय हातूंत मरण आयलें. जाल्यार दोतोर अनाता पांडोले आनी गाडी चलोवपी तिचो घोव दर्यास पांडोले गंभीर जखमी जाले. पुलिसांच्या म्हणण्या
प्रमाण सायरस मिस्ट्री आनी ज
हांगीर पांडोले फाटल्यान बशिल्ले आनी दोगांयनी सीट बेल्ट घालूंक नासले.
ह्या अपघातांत मर्सिडीज बेंज जीएलसी गाडयेचो फुडलो भाग पुरायपणान नश्ट जालो. मर्सिडीज बेंज जीएलसी गाडयेचो फुडलो भाग पुरायपणान नश्ट जालो. गाडयेंतल्यान प्रवास करतना खंयच्यो गजाली मतींत दवरपाच्यो, तें पळोवया.
मर्सिडीजाक 5 स्टार सुरक्षा रेटिंग
मर्सिडीज-बेंज जीएलसीक युरो एनसीएपीन सगळ्यांत चड 5 नखेत्रांचें सुरक्षेचें रेटिंग दिलां. 1950 सीसी इंजिना वरवीं चलपी हे गाडयेक 7 एअरबॅग, क्रॉसविंड असिस्ट, पार्किंग असिस्ट, अॅटॅन्शन असिस्ट, अॅडॅप्टिव्ह ब्रेक लायटी, टायर-प्रेशर मॉनिटरिंग सिस्टीम, हिल डिसेंट कंट्रोल आनी मर्सिडीजची प्री-सेफ ऑक्युपंट प्रोटेक्शन सिस्टीम आसा.
जीएलसींत पूर्वसुरक्षीत पद्दत आसा. जनेलां आपोआप बंद जातात आनी खंयच्याय प्रकारचो अपघात जावचे पयलीं आसन चड अनुकूल स्थितींत प्रवाशाक वाटावपाक सज्ज जाता.
ही गाडी पयलेच खेपे भारतांत 2016 वर्साच्या ऑटो एक्स्पोंत हाडली. 2 जून 2016 दिसा बाजारांत आयली. तिचें एक्स शोरूम मोल 62 लाख रुपया पासून सुरू जावन 87 लाख रुपया मेरेन सोंपता.
गाडयेन प्रवास करतना….
खंयचीय गाडी चलयतना आबूज जावप टाळात.
गरज तितली वेग मर्यादा सांबाळची. नेटान वचपी गाडी फकत 10 ते 15 मिनटां बेगीन पावता.
गाडयेंत सीट बेल्ट घालपाक जाय. ओव्हरटेक करतना जतनाय घेवची. हेर वाहनां पासून अंतर दवरचें
येरादारीच्या संकेतांक पाळो दिवचो
गाडी घेतना सुरक्षेच्या
खाशेलपणांचो विचार करचो
क्रॅश चांचणी रेटिंग्स सयत हेर सुरक्षेचीं खाशेलपणां तपासून खात्री करात. तातूंत अँटी-लॉक ब्रेकिंग प्रणाली, इलॅक्ट्रॉनीक ब्रेक-फोर्स डिस्ट्रिब्युशन, फाटलो कॅमेरो, टायर दाब निरिक्षण प्रणाली, ऑटो दार लॉक/ अनलॉक, फाटले डिफॉगर आनी वाइपर, रिव्हर्स पार्किंग सेंसर हांचो आस्पाव जाता.
एनसीएपी क्रॅश चांचणी कशी करतात?
चड करून सगळ्या कंपनींच्या गाडयांची क्रॅश चांचणी जागतीक कार सुरक्षा एजन्सी एनसीएपी करता. चांचणी केले उपरांत गाडयांक सुरक्षेचें रेटिंग दितात. हे चांचणेंक गाडयेंत डमी वापरतात. ती मनशा सारकी तयार केल्या. चांचणे वेळार गाडयेक थारावीक वेगान कसली तरी वस्त धपको दिता.
मजगतीं, गाडयेंत 4 ते 5 डमी वापरतात. तशेंच फाटल्या सीटार भुरग्याची डमी दवरतात. क्रॅश टेस्ट जाले उपरांत गाडयेचे एअरबॅग काम करताले काय? डमीचें
कितलें लुकसाण जालें? गाडयेचीं सुरक्षेचीं खाशेलपणां कितलीं योग्य आसात? ह्या सगळ्यांचेर आदारून रेटिंग दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
