भांगरभूंय | प्रतिनिधी
खबरां संस्था
लखनौः इंडियन प्रीमियर लिगाच्या (आयपीएल) अंदूच्या सिझनांत पंजाब किंग्सा आड 21 धांवड्यांनी जैत मेळयतना लखनौ सुपर जायंटाच्या मयंक यादवान आतां मेरेनचो सर्तींतलो फास्टेस्ट बॉल घातलो. ताणे 6 बॉल 150 किलोमीटर परस चड स्पिडीन घातले. ताचो 155.8 किलोमीटर प्रती वर स्पिडीन घातिल्लो बॉल आयपीएलाच्या अंदूच्या 17व्या सिझनांतलो सगल्यांत फास्ट बॉल थारलो.
पंजाबाचो कॅप्टन शिखर धवनानत आयपीएलांतले आपले 150 सके पुराय केले. लखनौ वतीन आयपीएलांत पदार्पण करपी फास्ट बॉलर मयंक यादव 155.8 किलोमीटर स्पिडीन बॉल घालपी पयलो बॉलर थारला. डावांतल्या 10 वे ओव्हरींतलो तिसरो बॉल मयंकान जॉनी बेयरस्टोक घातलो. ताची स्पीड 150 किलोमीटर प्रती वर आशिल्ली. 12वे ओव्हरीत ताणे 155.8 किलोमीटर स्पिडीन बॉल घातलो. तो सगल्यांत फास्टेस्ट थारलो
सगल्यांत फास्ट बॉल घालून मयंकान राजस्थानाच्या नांद्रे बर्गर हाचो विक्रम मोडलो. बर्गरान 153 किलोमीटर स्पिडीन बॉल घातिल्लो. मयंकान आपल्या स्पेलांत 10 बॉल 150 परस चड किलोमीटर स्पिडीन घातले. पंजाब किंग्साचो कॅप्टन शिखर धवनान लखनौ आड 3 सके मारले. पयलो सको हुबोवन ताणे आयपीएलांतले आपल्या सक्यांचो देड शेंकडो पुराय केलो. ताचे आतां वट्ट 152 सके जाल्यात. 150 परस चड सके मारपी तो आयपीएलांतलो 17 वो बॅट्समन थारला. आयपीएलांतल्यो ताच्यो धांवड्यो आता 6754 जाल्यार. तो दुसरो टॉर रन स्कोरर जाला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
