भांगरभूंय | प्रतिनिधी
फोंडें, प्रतिनिधी : तिस्क- उसगांव वाठारांत १ मे दिसा सांजेवेळार सुमार ७ वरांचेर परवान्या बगर प्रचार मिरवणूक काडिल्ले खातीर आरजीपीचे उत्तर गोंय लोकसभा उमेदवार मनोज परब हांचे आड फोंडें पुलिसांनी गुन्यांव दाखल केलो. उमेदवार आशिल्ले परब हांणी मिरवाणुके खातीर गरजेचो आशिल्लो परवानो घेवंक नाशिल्लो. निरीक्षक तुषार लोटलीकार हे विशीं चवकशी करतात.
लोकसभा वेंचणुकेच्या आचारसंहितेचो भंग केल्ल्या प्रकरणांत उमेदवार परब हांचे आड गुन्यांव नोंद केलो. सत्तरी म्हालाचे उपजिल्हाधिकारी निलेश धायगोडकार हांणी कागाळ दाखल केल्या. मनोज परब हांणी जीए – ०५-टी – ३१३४ नंबराचे जिपींतल्यान मिरवणूक काडटना सुमार ५० कार्यकर्त्यांचो वापर केल्लो. कागाळ दाखल जाले उपरांत पुलिसांनी गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
