भांगरभूंय | प्रतिनिधी
मतदान हो तुमचो म्हत्वाचो हक्क. देखून दरेका भारतीय नागरिकान आपलो मतदानाचो हक्क वापरचो आनी मतदान करपाचें कर्तव्य करचें. आमच्या देशान लोकशाय मान्य केली आनी अजूनय ती वेवस्था तिगोवन दवरल्या. लोकशायेक लागून आमकां जायत्यो सुविधा, हक्क मेळ्ळ्यात. दर पांच वर्सांनी जावपी लोकसभा वेंचणुकेंत मतदारांच्या अधिकारान केंद्रीकृत सरकाराची थापणूक जातली. हांगासर बरे लोक/ शासक आसूंक जाय, एक बरो नागरीक म्हूण तुमकां तें बरोबर दिसता आनी कसलेंच कारण दिनासतना सगळ्यांनी मतदान करचें
बरो राज्यकर्तो वेंचून काडपाक तुमचीं दरेकीं मतां म्हत्वाचीं. देशांतल्या लोकशायेच्या फुडारा खातीर आनी आमचे फुडले पिळगे खातीर हें खूब म्हत्वाचें. मतदानांतल्यान देशांतल्या नागरिकांक देश कसो बदलत आसा आनी तांकां कसले राज्यकर्ते जाय हाची जाणविकाय जाता. मतदान करून तुमी बदल घडोवन हाडूंक शकतात आनी तुमच्या समाजांत बदल घडोवंक शकतात. मतदानाक लागून देशाक बरे हक्क आनी संरक्षण मेळटलें हाची जतनाय घेवपाक नागरिकांक मजत जाता.
एकूच मत लोकशायेची उदरगत आनी ती सुरळीत चालीक लावपाक मजत करपाक शकता. आपलो आवाज आयकून घेवन आनी आवाज नाशिल्ल्या लोकांच्या मतांचें प्रतिनिधित्व करून संवसारांत बदल घडोवन हाडप गरजेचें. दरेकल्याचें मत वेगळें आशिल्ल्यान दरेकल्यान मतदान करपाक जाय अशें म्हजें वैयक्तीक मत. आमच्या भारतीय लोकशायेंत कार्यालयांत कोण अध्यक्षपद सांबाळूंक शकता हाची निवड करपाची तांक आमचे कडेन आसा, हाकाच लागून आमकां ह्या राजकी संवसारांत आपलें मत मांडपाची संद मेळटा.
वेदा रेगे
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
