भांगरभूंय | प्रतिनिधी
भांगरभूंय । खबरां मेज
पणजीः सम्राट क्लब मडगांव हाचें भुरग्यां खातीरचे 26 वें वर्सुकी गिमाळें शिबीर 1 तें 12 मे मजगतीं चौगुले म्हाविद्यालयाच्या सहकार्यान आयोजीत केलां. मडगांव बीपीएस क्लबा लागच्या जुन्ता क्वॉटर्स कल्चरल सेंटर हॉलांत आनी चौगुले म्हाविद्यालयांत सकाळीं 9 तें दनपारां 12 मेरेन वर्ग घेतले. शिबिरांत केजी-2 ते सातवे यत्तेंत शिकपी भुरग्यांक प्रवेश घेवपाक मेळटलो. केजी-2 ते तिसरे यत्तेच्या भुरग्यांक ज्युनियर आनी चवथी तें सातवेच्या भुरग्यांक सिनियर गटांत आसापवून घेतले.
फाटल्या 25 वर्सां सामव सम्राट क्लब हें गिमाळें शिबीर घडोवन हाडटा आनी ताका बरो प्रतिसाद मेळटा. शिबिरांत भुरग्यांक 30 परस चड कलांचें काम शिकयतले आनी ताच्यो सर्ती जातल्यो. चारकोल पेंटिंग, चित्रकला, व्यक्तिमत्व उदरगत, बॉडी लेग्वेंज, नाटक, माती कला, सभेंत कशें उलोवप, योगा, गायन, फोटोग्राफी जिम्नस्टिक, गणित, विज्ञान हाचें प्रशिक्षण दितले.
डॉ जॉर्सन फर्नांडीस, प्रवीण सबनीस, प्रा विश्वनाथ स्वार, प्रा. रुविना खान, डॉ व्यंकटेश हेगडे, डॉ साचिका आल्मेदा, नेसरील आल्वारीस, सिद्धांत गडेकार, सर्वेश आम्बोडकार भुरग्यांक मार्गदर्शन करतले. गिमाळ्या शिबिरांत वांटो घेवपा खातीर कॅफे तातो, कोहिनूर ऑप्टिशियन, एमआरएफ टायर्स- घोगळ हावसिंग बार्डे आनी samratsportsculturalclub@ gmail.com. ह्या वेबसायटीचेर प्रवेश अर्ज मेळटले. शिबिरांत वांटो घेवपाची निमणी तारीख 25 एप्रील आसा. चडावत म्हायती खातीर रोशली (9284379347), विश्वनाथ स्वार (9422442838) वा विठोबा वा विभा (9309167740) हाचें कडेन संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
