भांगरभूंय | प्रतिनिधी
मडगांव, प्रतिनिधी ः मडगांव रेल्वे स्टेशना लागसार बेकायदेशीर सांठोवन दवरिल्लो 77,150 रुपयांचो 169 लिटर सोरो अबकारी खात्यान जप्त केलो. निरिक्षक दुर्गादास नायक हांच्या फुडारपणा खाला अबकारी खात्यान सोमारा रातीं ही कारवाय केली.
मेळिल्ले म्हायती प्रमाण, लोकसभा वेंचणुकेचें फाटभूंयेर अबकारी खात्यान बेकायदेशीर सोऱ्याची येरादारी आनी बेकायदेशीर सोऱ्याचो सांठो हांचेर कारवाय करपाक सुरवात केल्या. अबकारी खात्याक आके- मडगांव वाठारांत रेल्वे स्टेशना लागसार सोऱ्याचो सांठो आशिल्ल्याची म्हायती मेळ्ळी. ते प्रमाण त्या वाठारांत धाड घाली. थंय बंद आशिल्ल्या एके पत्र्याचे कुडींत सोरो मेळ्ळो. ही कारवाय अबकारी निरिक्षक दुर्गादास नायक, जितेंद्र आडपईकार हांचे वांगडा संदेश शेटकार, मनोहर जामुनी हांणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
