भांगरभूंय | प्रतिनिधी
ब्रेक फेल जाल्ल्याचें चालकाचें म्हणणें
मडगांव: मडगांव पालिकेचे गाडयेन हॉटेल नानूटेला कुशीच्या आनाफोंत गार्डना कडल्या व्हॉल्तार रस्त्याचे कुशीक आशिल्ल्या तीन दुचाकींक धपको दिलो. हातूंत कसलीच जिवीतहानी जावंक ना. पूण दुचाकींचें लुकसाण जालां. मुखार दुचाकी चालक निसरून पडिल्लो, ताका आनी हेर चलून वचप्यांक वाटायतना गाडी कुशीक घेतली तेन्ना ब्रेक लागूंक नाशिल्ल्यान अपघात जाल्ल्याचें चालकांचे म्हणणें आसा.
मडगांवां नानूटेल हॉटेला मुखा वयल्या इलेक्ट्रॉनिक्स वस्तू विक्रेच्या दुकाना मुखार पार्क केल्ल्या तीन दुचाकींक मडगांव पालिकेचे गाडयेन धपको दिलो. ही घडणूक काल (सोमारा) सांजवेळा साडेचार वरांच्या सुमाराक घडली.
ह्या वेळार दुचाकींचे कुशीक कोणूच नाशिल्ल्यान कोणाकूच दुखापत जाली ना. पूण तिनूय दुचाकींचें मात लुकसाण जालें. मडगांव पालिका चालकान दिल्ले म्हायती प्रमाण रस्त्यार दुचाकी चालक निसरून पडिल्लो दिसलो, ताका वाटायतना हेर चलून वचप्यांक दुखापत जावची न्हय म्हूण गाडी कुशीक घेतली. हातूंत कोणाकूय कसलीच दुखापत जावंक नाशिल्ल्याचें चालक परमेश्वर हाणें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
