भांगरभूंय | प्रतिनिधी
मडगांव, प्रतिनिधी ः बेकायदेशीर सोरो दवरपाच्या प्रकरणांत सध्या आके हांगा रावपी दुबावीत सूरज कनोजिया (18, रा. रामपूर, उत्तर प्रदेश) आनी लक्ष्मण डांगी (39, रा. नेपाळगंज, नेपाळ) हांकां कोकण रेल्वे पुलिसांनी अटक केली. दुबावितां कडल्यान 15 हजारांचो 41 लिटर सोरो जप्त केलो.
सूरज कानोजिया आनी लक्ष्मण डांगी हांकां पुलिसांनी ताब्यात घेतले उपरांत तांच्या सामानाची तपासणी केली. तांचे कडेन 41.490 लिटर सोऱ्याचो सांठो बेकायदेशीर रितीन दवरिल्ल्याचें तपासांत उक्तें जालें. ह्या प्रकरणांत गुन्यांव नोंद करुन दोगांकूय अटक केल्या. कोकण रेल्वे पुलीस निरिक्षक सुनील गुडलर हांच्या मार्गदर्शना खाला हेडकॉन्स्टेबल सत्यवान नायक, पुलीस हवालदार कुलदीप गांवकार, सत्यवान गांवकार आनी वासीम शेख हांणी ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
