भांगरभूंय | प्रतिनिधी
मडगांव, प्रतिनिधी : मडगांव एसजीपीडीए मार्केटा कुशीक आशिल्ल्या ओशिया कॉम्प्लेक्सांत आयनॉक्स लागसारच्या चपलाच्या दुकानाक सकाळीं उजो लागलो. मडगांव उजो पालोवपी दळान येवन हो उजो नियंत्रणांत हाडलो. हो उजो शॉर्टसर्किटाक लागून लागिल्ल्याचो दुबाव उक्तायला.
मेळिल्ले म्हायती प्रमाण, मडगांवच्या एसजीपीडीएच्या मार्केटा कुशीक आयनॉक्स थिएटरा लागसारच्या बुट्स ह्या चप्पलाच्या दुकानाक सकाळीं ३ वरांचेर उजो लागपाची घडणूक घडली. हाची म्हायती मडगांव उजो पालोवपी दळाच्या कार्यालयाक मेळ्ळ्या उपरांत ते रोखडेच घडणुके सुवातेर पावले. हो उजो शॉर्टसर्किटाक लागून लागिल्ल्याची शक्यताय आशिल्ल्यान वीज पुरवण बंद केल्या उपरांत हांगचो उजो पालोवपाक उदक मारलें. वेळार उज्याचेर नियंत्रण हाडिल्ल्यान दुकानांतल्या सामानाचें चड लुकसाण जावंक ना. उजो पालोवपी दळान आजूनय नेमकें कितलें लुकसाण जालें हाची म्हायती मेळूंक ना अशें सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
