भांगरभूंय | प्रतिनिधी
मडगांव, प्रतिनिधी: कोकण रेल्वे पुलिसांनी शुक्रारा मडगांव रेल्वे स्टेशनाच्या प्लॅटफॉर्म नंबर १ वयल्यान ३.९७ लाख रुपयांचो गांजो जप्त केलो. प्लॅटफॉर्माचेर बॅगांत गांजो मेळ्ळो. पुलीस बॅग सांडून गेल्ल्या मनशाक सोदतात.
मेळिल्ले म्हायती प्रमाण, कोकण रेल्वे पुलीस मडगांव रेल्वेस्टेशन वाठारांत गस्त घालतना एक बॅग मेळ्ळें. पुलिसांक ही बॅग कोणाची हें कळूंक ना. तातूंत गांजो सापडलो. सीसीटीव्ही फुटेजीची पळोवणी केली तेन्ना काळ्या रंगाचें टिशर्ट घाल्ल्या एका ३० ते ३५ पिरायेच्या तरणाट्या कडेन ती पोती दिसल्या. पुलीस निरीक्षक सुनील गुडलर हांच्या मार्गदर्शना खाला दुबाविताचो सोद घेवप चालू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.