भांगरभूंय | प्रतिनिधी
फोंडें, प्रतिनिधी ः मडकायच्या आयडीसी लागसार 241 ग्राम गांजो बाळगिल्ल्या प्रकरणांत म्हाड्डोळ पुलिसांनी हेरंबा दिलीप नायक (22, दासोळवाडा-कुंडय) ह्या दुबाविताक अटक केल्या. तेच बरोबर स्कुटर जप्त करून निरिक्षक योगेश सावंत हांच्या फुडारपणा खाला उपनिरिक्षक अभिलाश नायक हांणी कारवाय केल्या.
शुक्रारा सकाळीं 5.40 वरांचेर मडकयच्या आयडीसी लागसार सांजवेळा तरणाटो स्कुटर घेवन भोंवता अशी म्हायती पुलिसांक मेळ्ळी. ते प्रमाण पुलिसांनी ताची झडती घेतली तेन्ना ताचे कडेन 241 ग्राम गांजो सांपडलो. जीए- 09- एम- 8444 क्रमांकाची स्कुटर पुलिसांनी जप्त केल्या. सुमार 24 हजार 100 रुपयाचो गांजो पुलिसांनी ताचे कडल्यान ज्पत केला. ह्या प्रकरणांत म्हाड्डोळ पुलीस फुडली चवकशी करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
