भांगरभूंय | प्रतिनिधी
दोन बायलांची सुटका, युगांडांतले बायलेक अटक
कोरगांव, प्रतिनिधी ः युगांडांतल्या चलयांक गोंयांत हाडून रेस्टॉरंट आनी कॅफेंत काम दिवपाचे हांयस दाखोवन वेश्या वेवसायांत गुंतोवपी आंतरराश्ट्रीय सेक्स ट्रॅफिकिंग रॅकेट मांद्र्यां पुलिसांनी उक्ताडार हाडले. हांतूत दोन बायलांची सुटका केल्या. ह्या प्रकरणात जोजो नाकींतू (31) हे युगांडांतले बायलेक अटक केल्या.
मांद्र्यां पुलिसांनी जीवबा दळवी हांच्या फुडारपणा खाला आनी अर्ज हे एनजीओचे मजतीन ही कारवाय केल्या.
उत्तर गोंयचे पुलीस अधिक्षक अक्षत कौशल हांणी दिल्ले म्हायती प्रमाण, ल युगांडातल्या बांयलांक आनी अर्थीक नदरेन दुबळ्या आनी तरणाटे एकटे आवयक गोंयांतल्या रेस्टॉरंट आनी कॅफेंत काम दिवपाचें हांयस दाखोवन तांकां ती बायल भारतांत हाडटाली. उपरांत तांकां धमकावन तांचे कडल्यान पासपोर्ट आनी व्हिसा जबरदस्तीन काडून घेताली. धमकी दिवन तांकां वेश्या वेवसायांत धुकलताली. आनी तांचे कडल्यान लाखांनी रुपयाय लुट्टाली. हो वेवसाय चड करून ऑनलायन चलतालो. तशेंच ह्या वेवसाया खातीर ती वेबसायटीचोय वापर करताली.
उपअधीक्षक जीवबा दळवी हांणी दिल्ले म्हायती प्रमाण एका मनशान दुतावासा कडेन संपर्क सादलो आनी दूतावासाच्या आदारान गोंय पुलिसांक पिडितांच्या जाग्यार पावपाक मजत जाली. मांद्र्यां पुलीस निरिक्षक आनी अर्ज एनजीओ हांणी सोद घेवन दोन बायलांची सुटका केली आनी हें प्रकरणात युगांडांतले बायलेक अटक करपाक तांका येस आयलें.
दुबावित बायलेच्या आड राष्ट्रीय आनी अनैतिक येरादारी प्रतिबंध कायद्याच्या कलम 370 आयपीसी आनी कलम 4,5,7 खाला गुन्यांव नोंद केला. सुटका केल्ल्यांक मेरशेंच्या अपना घरांत धाडल्यांत.
पेडणें पुलीस उपअधीक्षक जीवबा दळवी आनी उत्तर गोंयचे पुलीस अधिकक्षक अक्षत कौशल हांच्या फुडारपणा खाला पीआय मांद्र्यां पीएस शेरीफ जॅक्स फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
