भांगरभूंय | प्रतिनिधी
पणजी : घाणयारें उदक वा हेर खंयच्याय कारणाक लागून भूगर्भांतलें उदक प्रदुशीत करपी घटकांक आतां १० लाख रूपयां मेरेन दंड जावं येता. विधानसभेंत संमत जाल्लें भूगर्भ जल नियमन दुरुस्ती विधेयक राज्यपालांचे सये उपरांत अधिसुचीत जालां. ताका लागून आतां ह्या कायद्याची कार्यवाय सुरू जाल्या.
गोवा भूगर्भ जल नियमन कायदो २००२ च्या कलम १७ त अधिवेशनांत दुरूस्ती केली. भूगर्भांतली उदकाची बेकायदो येरादारी जाल्यार ५ ते १० हजार रूपयां मेरेन दंडाची तरतूद कायद्यांत आसा.
पयलीं गुन्यांव घडल्यार ५ हजार रूपयांचो दंड जातलो. फुडल्या गुन्यांवा खातीर १० हजार रुपयांचो दंड. तशेंच घाणयारें उदक वा प्रदुशीत उदकान भूगर्भांतले उदक प्रदुशीत जाल्यार १० लाखां मेरेन दंडाची तरतूद कायद्यांत आसा. विधानसभेंत ६ ऑगस्ट २०२४ दिसा दुरूस्ती विधेयक संमत जाल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
