भांगरभूंय | प्रतिनिधी
‘फुडें पावल मार’ दुसरो जाल्यार ‘तुमच्या सांगतान हांव जियेतां’ तिसरो
भांगरभूंय । खबरां मेज
पणजीः कला अकादमीच्या जोडपालवान गोंय तियात्र अकादमीन घेतिल्ले 12 व्या भुरग्यांचो तियात्र सर्तींत ‘खोल खोल बांय’ तियात्राक पयलें इनाम फावो जालें. हो तियात्र मार्कूस गोन्साल्वीस हांणी बरोवन दिग्दर्शीत केल्लो. मार्कूस हांच्या तियात्राक फाटोफाट चवथे खेप पयलें इनाम फावो जालां.
10 ते 16 मार्च ह्या काळांत कला अकादमीच्या दिनानाथ मंगेशकार सभाघरांत ही सर्त जाली. 10 पंगडांनी हे सर्तींत वांटो घेतिल्लो.
फा. मिलाग्रीस डायस हांणी बरोवन दिग्दर्शीत केल्ल्या ‘फुडें पावल मार’ ह्या तियात्राक दुसरें जाल्यार विलियम फर्नांडीस हांणी बरोवन दिग्दर्शीत केल्ल्या आनी दृश्टी एण्टरटेनमेंट कुडचडें हे संस्थेन सादर केल्ल्या ‘तुमच्या सांगतान हांव जियेतां’ तियात्राक तिसरें इनाम फावो जालें.
दिग्दर्शनाचें पयलें इनाम- मार्कूस गोन्साल्वीस (खोल खोल बांय), दुसरें- फा. मिलाग्रीस डायस (फुडें पावल मार) आनी तिसरें- विलियम फर्नाडीस (तुमच्या सांगातान हांव जियेतां) हांकां फावो जालें.
दादल्यांच्या गटांत अभिनयाचें पयलें इनाम रसेल लॉरेन्स मास्कारेन्हस (रसेल, फुडें पावल मार) आनी दुसरें इनाम मायकॉन अँथनी परेरा (जॉन, म्हाका जगपाक जाय) हाका जाहीर जालें.
बायलांच्या गटांत अभिनयाचें पयलें इनाम वेलबे एंजल कार्दोज (रिया, खोल खोल बांय) आनी दुसरें इनाम धनश्री पी. नायक (ज्युलिया, म्हाका जगपाक जाय) हांकां फावो जालें.
उत्कृश्ट विनोदी अभिनेतो (दादल्यांचो गट) रॉनेबेर ए. वालीस (द्वायन, हांव तुमच्या सांगातान जियेतां) आनी बायलांच्या गटांत न्यासा एन. मोंतेरो (कार्मेलीन, मोग आसूं) हांकां इनामां मेळ्ळीं.
उत्कृश्ट गायक पयलें- ज्योशुआ परेरा (आवयचो मोग, पॉकेट मनी), दुसरें- मिखायल आर. डिकॉस्टा (नवी टॅक्नीक, सोपनांतल्या गांवांत).
उत्कृश्ट गायिका पयलें- तेरेझा फुर्तादो (बोरे नागरीक, आमचो फुडार), दुसरें इनाम रिहाना गोम्स (ऑफीस गर्ल, मोग आसूं) हांकां दिलें.
उत्कृश्ट विनोदी कातार गायक पयलें- रोनव आर. एस. तळावलीकार (पोयलेंच कातार, तुमच्या सांगातान जियेतां) आनी दुसरें इनाम नायरा लिविया फर्नांडीस (म्होजी सायकल, फुडें पावल मार) हांकां फावो जालीं.
उत्कृश्ट ड्युएट- आकांक्षा फर्नांडीस आनी मायकॉन अँथनी परेरा (बॉयफ्रेंड नाका, म्हाका जगपाक जाय), उत्कृश्ट दुओ- रॉनेबर ई वालेस आनी दान्स्टन कुलासो (टॅक्निकल शीक, तुमच्या सांगातान जियेतां), उत्कृश्ट त्रियो- गाब्रिएला एम, डायस, मेहैला रॉड्रिगीस आनी शेनायडा आल्विस (वाजोंत्रा वाजोवपाचीं झोगडीं, सोपनांतल्या गांवांत), उत्कृश्ट क्वार्टेट- जानिया जे. पिंटो, सायडन डिमेलो, शावनीन आझावेदो आनी रोशमेर सी. फर्नांडीस ( दोर्जी कामील, फुडें पावल मार). उत्कृश्ट कॉरल- न्यासा जी. फर्नांडीस, जानिया जे. पिंटो, मायरा ए. मास्कारेन्हस आनी मायसा सी. पिंटो (गोवा आमचें, फुडें पावल मार).
उत्कृश्ट गीत रचना पयलें- जॉर्ज गोन्साल्वीस (बोरो नागरीक, आमचो फुडार), दुसरें- ऑस्टीन एस. रॉड्रिगीज (मिसाक वोगोत जाता, म्हाका जगपाक जाय).
उच्तृश्ट संहिता पयलें इनाम- आंतोनेत डिसोझा (सोपनांतल्या गांवांत) आनी दुसरें- विलियम फर्नांडीस (तुमच्या सांगातान जियेतां).
नेपथ्य – सॅम डिसोझा (आमचो फुडार), उजवाड येवजण- गौतम गावडे (म्हाका जगपाक जाय), उत्कृश्ट बॅण्ड- सेनोन डिसोजा (फुडें पावल मार), उत्कृश्ट पार्श्वसंगीत- उशांक परब (खोल खोल बांय), उत्कृश्ट रंगभुशा- सॅण्ड्रा गोन्साल्वीस (खोल खोल बांय), उत्कृश्ट वेशभुशा- क्रिस्टिना स्टिवस (पॉकेट मनी).
अॅना मारिया आपोलोनिया एफ. रिबेलो (आप्लोन), मिनिनो मारिया आरावजो आनी ऑगी डिमेलो हांणी सर्तीचें परिक्षण केलें.
इनामां भेटवण सुवाळो बेगिनूच जाहीर करतले अशें तियात्र अकादमीचे वांगडी सचीव सुरेश दिवकार हांणी कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
