भुरग्यांचे वजन आनी उंचाय वाडोवपी पदार्थ

भांगरभूंय | प्रतिनिधी

(भुरग्यांक सतत खोकली आनी थंडी नासल्यार)

१. केळीं – तातूंत कॅलरी आनी साकर चड आसता. देखून भुरग्यांचें वजन बेगीन वाडटा.
२. साय आशिल्ले दुद – हातूंत प्रथिनां आनी चड चरबी आसता. देखून भुरग्यांचें वजन बेगीन वाडटा.
३. शित – तातूंत कार्बोहायड्रेट चड प्रमाणांत आसतात. वजन वाडोवपाक ताचो फायदो जाता.
४. चिकू – तातूंत कॅलरी आनी साकर चड आसता. कुडीची चरबी वाडोवपाक मजत करता.
५. नुस्तें – हांतूतले ओमेगा 3 फॅटी अॅसिड, प्रथिन भुरग्यांचे योग्य वाडी खातीर बरें.
६. सोयाबीन – सोयाबीन आनी ताच्या उत्पादनांत प्रथिनां आसतात. हाका लागून भुरग्यांचें वजन वाडटा.
७. दाळ – हातूंत चड प्रथिनां आसतात. भुरग्यांचें वजन वाडोवपाक ताचो फायदो जाता.
८. चीज – तातूंत भरपूर प्रथिन आनी चरबी आसता देखून भुरग्यांचें वजन वाडोवपाक बरें.
९. तांतयां- हांतूत प्रथिनां आसता ताका लागून दर दिसा भुरग्यांक तांतया दिल्यार तांचे वजन बेगीन वाडपाक मदत जातली.

भुरग्यांची उंचाय वाडोवपाखातीर खाण

१. दही – तातूंत व्हिटॅमिन डी आनी कॅल्शियम आसता. हाचो भुरग्यांची उंचाय वाडोवपाक फायदो जाता.
२. संत्रां – हातूंत व्हिटॅमिन सी आशिल्ल्यान भुरगीं उर्बेभरीत उरतात आनी तांकां दुबळेपणांतल्यानय सुटका मेळटा.
३. डाळिंब – तातूंत आशिल्ले अँटीऑक्सिडेंट बुध्दी उजवाडाक हाडपाक मजत करतात.
४. पालक – लोखण, तातूंत आशिल्लो कॅल्शियम भुरग्यांची उंचाय वाडोवपाक आदार करता.
५. चीज – फायबर, तातूंत आशिल्लो फॉस्फरस पचनक्रिया सुदारता आनी दांत घटमूट उरतात.