भांगरभूंय | प्रतिनिधी
भारत आनी येजमान न्युझिलॅण्ड ह्या पंगडां मदली तिसरी आनी निमाणी वन डे मॅच आयज जातली. सध्या वन डे माळेंत भारत 0-1 असो फाटीं आसा. दुसरी मॅच पावसाक लागून रद्द करची पडिल्ली. ताका लागून माळ बरोबरींत सोडोवपाक भारताक आयची मॅच जिखपाकूच जाय.
क्रायस्टचर्चांतलें हेगली ओव्हल मैदान परंपरीक रितीन फास्ट बॉलरांक मजत करता आनी फाटल्या कांय वर्सां सावनची सरासरी ही 230 आसा.
पयल्या पावर प्लेंत भारताची बॅटींग ही चर्चेचो विशय थारला. फुडल्या वर्सा भारतांत जावपी संवसारीक वन डे क्रिकेट सर्ती खातीर पंगडांत सुवात मेळोवपाक जाय जाल्यार आपल्या खेळांत खूब बदल करपाक जाय हें शिखर धवनाक समजलां.
युवा ओपनर शुभमन गिलान पयल्या दोन मॅचींनी वळेरेन 50 आनी 45 धांवड्यो केल्यात. आयचे मॅचींत धांवड्यांचो दोंगर उबारपाक जाय जाल्यार सुर्यकुमार यादव आनी ऋषभ पंत ह्या सारक्या बॅट्समनांक बरी बॅटींग करची पडटली. पंत वन डे क्रिकेटींत बरो खेळटा. पूण, इंग्लंडाचे भोंवडे सावन ताका धांवड्यो करपाक जमूंक ना. मदले फळयेंत स्थिरताय दिवपाक पंताच्या बॅटांतल्यान धांवड्यो येवप गरजेच्यो आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
