भांगरभूंय | प्रतिनिधी
जून म्हयन्यांत पावसाचो हंगाम सुरू जाल्ल्यान देशांतल्या वेगवेगळ्या वाठारांनी एक सुखद वातावरण दिसपाक लागलां. जांकां एप्रील, मेंत खंयच वचूंक मेळूंक ना, तांणी जुलय आनी ऑगस्टांत वेगवेगळ्या टूर पॅकेजींतल्यान भोंवपाची येवजण करची. हाचे खातीर आयआरसीटीसीन एक व्हडलें पॅकेज तयार केलां. ह्या पॅकेजी प्रमाण तुमकां ३ ते ४ दीस प्रवास करपाची संद मेळटली. जायत्या पॅकेजींनी १ सप्तक लेगीत प्रवास करूं येता. सप्तकाच्या निमाणे कडेन ही भोंवडी सुरू करूं येता.
तिरुपती टूर पॅकेज
ही पॅकेज २ जुलय सावन सुरू जातली. १ रात आनी २ दिसांचो हो टूर. पॅकेजींत तुमकां ट्रेन आनी कॅबान प्रवास करपाची संद मेळटली.
पॅकेज फी – तीन लोकां सयत प्रवास केल्यार दर मनशाची पॅकेज फी ७,३०० रुपया आसा. भुरग्यां खातीर पॅकेज फी ५,७२० रुपया आसा.
चेन्नई ते लडाख टूर पॅकेज
हें पॅकेज ११ ऑगस्टा सावन सुरू जाता. पॅकेज ६ राती आनी ७ दिसां खातीर आसा. पॅकेजींत तुमकां फ्लायट आनी कॅबान प्रवास करपाक मेळटलो.
पॅकेज फी – तीन लोकां वांगडा प्रवास करता जाल्यार दरेक व्यक्तीची पॅकेज फी ५२,५०० रुपया आसा. भुरग्यां खातीर ४६,००० रुपया वेगळें शुल्क भरचें पडटलें.
महेश्वर, ओंकारेश्वर आनी उज्जैन टूर पॅकेज
हें पॅकेज ७ ऑगस्ट सावन हैदराबाद सावन सुरू जाता. ४ राती आनी ५ दिसांचें टूर पॅकेज आसा. पॅकेजींत तुमकां फ्लायट आनी कॅबांत प्रवास करपाक मेळटलो.
पॅकेज फी – तीन लोकां वांगडा केल्यार दरेकी मनशाक पॅकेज फी २५३५० रुपया आसा. भुरग्यां खातीर १६५०० रुपया आसा.
तुमी भारतीय रेल्वेच्या अधिकृत वेबसायटीवयल्यान तिकेट बूक करपाक शकतात.
प्रयागराज, सारनाथ आनी वाराणसी टूर पॅकेज
हें पॅकेज २० जुलय सावन सुरू जाता.
पॅकेजींत तुमकां फ्लायट आनी बसीन प्रवास करपाक मेळटलो. हो ५ राती आनी ६ दिसांचो टूर.
पॅकेज फी – तीन लोकां वांगडा प्रवास केल्यार दरेकल्याक फी २९८५० रुपया आसा. भुरग्यां खातीर १७४०० रुपय फी आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
