भांगरभूंय | प्रतिनिधी
नवी दिल्ली, खबरां संस्था ः भारतांत मेळपी शूज आनी चप्पल अमेरिकन वा युरोपीय आकाराचे आसात. हाकाच लागून तें आमच्या देशांतल्या लोकांच्या पांयांक पावना. खरें म्हणल्यार अमेरिकन आनी युरोपीय लोकां परस भारतीयांचे पांय रुंद आसतात, पूण अमेरिकन वा युरोपीय लोकांच्या पांयांची लांबाय आनी रुंदायेचेर आदारून कंपनींनी शूज आनी चप्पलां तयार करतात.
आतां पांयतणां खातीर भारतीय मानक तयार करतात. फुडल्या वर्सा सावन म्हळ्यार 2025 वर्सा सावन कंपनी भारतीयां खातीर स्वतंत्रपणान पांयतणां तयार करतलीं. हे खातीर ‘भा’ म्हळ्यार भारत हो कोड दवरला. आतां फकत ब्युरो ऑफ इंडियन स्टँडर्ड्साची मान्यताय मेळपाची गरज आसा.
भारतीयांच्या पांयांच्या आकाराचें सर्वेक्षण
काउन्सिल ऑफ सायन्टिफिक अँड इंडस्ट्रियल रिसर्च आनी सेंट्रल इन्स्टिट्यूट ऑफ लेदर रिसर्च हे संस्थेन भारतभर सर्वेक्षण केलें. बायलांच्या पांयांचो आकार 11 वर्सांमेरेन वाडटा, जाल्यार दादल्यां मदीं तो 15-16 वर्सां मेरेन वाडत वता.
ह्या बदलाचें सगळ्यांत व्हडलें कारण म्हळ्यार भारताची व्हडली बाजारपेठ. हांगाच्या दरेका भारतीया कडेन सरासरी 1.5 पांयतणां आसतात. ऑनलायन खरेदी केल्ले 50% पांयतणे योग्य आकाराचे नाशिल्ल्यान परतून दितात. नव्या पद्दतीं प्रमाण आतां कंपनींक 10 बदला 8 आकाराचीं पांयतणां तयार करचीं पडटलीं. पांयांचे आकार समजून घेवपा खातीर डिसेंबर 2021 ते मार्च 2022 ह्या काळांत सर्वेक्षण केलें. पांच भौगोलिक वाठारांनी 79 सुवातींनी रावपी सुमार 1,01,880 लोकांचो ह्या सर्वेक्षणांत आस्पाव केल्लो.
इतलेंच न्हय तर भारतीयांच्या पांयाचे आकार आनी रचणूक समजून घेवपा खातीर थ्रीडी फूट स्कॅनिंग मशीन वापरलें. सरासरी भारतीय बायलेच्या पांयांचे आकार 11 वर्सां पिरायेचेर बदलता जाल्यार भारतीय दादल्याच्या पांयांचो आकार 15 वा 16 वर्सां पिरायेचेर बदलता अशें तातूंत दिसून आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
