भांगरभूंय | प्रतिनिधी
नवी दिल्ली, खबरां संस्था: खुबश्या लोकांक स्मार्टफोनाचें वेसन लागिल्ल्याचें पळोवपाक मेळटा. आमचे आशिकुशीक स्मार्टफोनान गुंथिल्ले लोक आमी पळयत आसतात. स्मार्ट फोनान गुंथिल्ल्या लोकांचें प्रमाण कितलें आसा? हाचो आंकडो खूब वेगवेगळो आसा. बोस्टन कन्सल्टिंग ग्रुपान हाचो एक सर्व्हे केला. जाचो आंकडो हालींच सुरू केला. ह्या अहवाला प्रमाण भारतांतले ८४ टक्के लोक सकाळीं उठतांच १५ मिनटां भितर आपलो स्मार्टफोन तपासतात. तशेंच दिसभर ३१ टक्के वेळ लोक स्मार्टफोनाचेर घालयतात आनी दिसाक ८० खेपो लोक आपलो मोबायल तपासतात.
मोबायलार घालोवपी वेळ वाडलो
स्मार्टफोनाचेर घालोवपी वेळांतूय वाड जाल्ल्याचो आंकडो अहवालांतल्यान प्रसिद्ध जाला. २०१० वर्सा दोन वरां स्मार्टफोनार घालयल्लीं, तातूंत वाड जावन आतां ४.९ वरांचो वेळ स्मार्टफोना घालयतात. विशेश म्हळ्यार २०१० वर्सा, मोबायलार उलोवप वा मजकूराच्या रुपांत संदेश धाडपाक १०० टक्के वेळ वापरता. मात २०२३ त उलोवप आनी मॅसेज करप हाचे खातीर फकत २०-२५ टक्के वेळ वापरतात.
स्मार्टफोनाच्या वापरा विशीं समाजीकरणान दुसरी सुवात मेळयल्या. उपरांत सर्चींग, गेमींग, शॉपींग, ऑनलायन वेव्हार आनी बातम्यांचो क्रमांक लागता. १८-२४ पिरायेचे तरणाटे ३५ वर्सां पिराये परस चड पिरायेच्या लोकां परस इन्स्टाग्राम रिल्स, यूट्यूब शॉर्ट्स हेर शॉर्ट फॉर्म व्हिडिओ पळोवपाक वेळ पासार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
