भांगरभूंय | प्रतिनिधी
रांची, खबरां संस्था: रांची टेस्ट मॅचींत भारताच्या पंगडान इंग्लंडाक ५ विकेटींनी हारयले. सोमारा चवथ्या दिसा ५ विकेटी वगडावन पंगडान १९२ धांवड्यांची मोख दवरिल्ली. ह्या जैताक लागून टीम इंडिया ३-१ अशी माळेंत फुडें आसा, म्हणल्यार पांच मॅचींची मालिकाय तांणी जिखल्या.
इंग्लिश संघाक तिसर्या दिसाच्या तिसर्या सत्रांत दुसर्या डावांत १४५ धांवड्यांनी ऑलआवट केले. पयल्या डावांत इंग्लंडच्या ४६ धावड्यांच्या नेटार भारताक १९२ धावड्यांचें लक्ष्य मेळ्ळें. ताचे पयलीं, इंग्लंडचो संघ पयल्या डावांत ३५३ धांवड्यांचेर जाल्यार भारतीय संघ ३०७ धांवड्यांचेर आवट जालो.
जुरेल-गिल हांचे मदीं पन्नासची भागीदारी
ध्रुव जुरेल आनी शुभमन गिल हांचे मदीं पन्नासांची भागीदारी पुराय जाल्या. गिलान जुरेल वांगडा अर्द शेंकड्याची भागीदारी पुराय केली. जडेजा उपरांत दुसर्याच बॉलाचेर शोएब बशीर हांणी सरफराज खानाक आवट केलो.
जडेजा आवट
दुसर्या सत्राच्या पयल्याच बॉलाक रवींद्र जडेजाक शोएब बशीरान आवट केलो. रांची कसोटीच्या चोवथ्या दिसाच्या पयल्या सत्राचो खेळ सोंपलो. भारता वतीन शुभमन गिल आनी रवींद्र जडेजा नाबाद परतले. आयज संघान ४०/० च्या स्कोरा सयत खेळपाक सुरुवात केली. पयल्या सत्रांत निमाणें संघान तीन गडी होगडावन ११८ धांवड्यो काडल्यो.
रजत पाटीदार परत अपेशी
भारताक १०० धांवड्यांचेर तिसरो धपको बसलो. रजत पाटीदार पॅव्हेलियनांत परतलो. शोएब बशीरान ताका आवट केलो. रजत हे पुराय मालिकेंत अपेशी थारलो. रोहित शर्मा ५५ धांवड्यो करून बाद जालो. टॉम हार्टलीच्या चेंडूचेर ताका यश्टीरक्षक बेन फॉक्सान यश्टीचीत केलें. ताचे पयलीं तांणी आपल्या कसोटी कारकिर्दीत १७ वो अर्दशेंकडो पुराय केलो. ताका ६९ बॉल लागले.
बॅट्समन रोहित शर्मा आनी सलामीवीर यशस्वी जैस्वाल हांचे मदीं ८४ धांवड्यांची भागीदारी जाली. ही भागीदारी यशस्वीच्या विकेटी उपरांत तुटली.
चवथ्या दिसाचो खेळ सुरू
टीम इंडियान चवथ्या दिसा ४०/० च्या स्कोअरा सयत आपलो दुसरो डाव फुडें व्हेलो. वेगवान गोलंदाज जेम्स अँडरसनाने इंग्लंडा खातीर दिसाचो पयलो शेंकडो उडयलो. रोहित शर्मान २४ आनी यशस्वी जैस्वालान १६ धांवड्यो काडून आपलो डाव फुडें व्हेलो.
दोनूय संघांचें खेळगडे
भारत – रोहित शर्मा (कॅप्टन), यशस्वी जैस्वाल, शुभमन गिल, रजत पाटीदार, सर्फराज खान, रवींद्र जडेजा, ध्रुव जुरेल, रविचंद्रन अश्विन, कुलदीप यादव, मोहम्मद सिराज आनी आकाश दीप.
इंग्लंड – बेन स्टोक्स (कॅप्टन), जॅक क्रॉली, बेन डकेट, ऑली पोप, जो रूट, जॉनी बेअरस्टो, बेन फोक्स, टॉम हार्टले, ऑली रॉबिन्सन, जेम्स अँडरसन आनी शोएब बशीर.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
