भांगरभूंय | प्रतिनिधी
संवसारीक अॅथलेटिक्स रिले सर्तींतल्यान ऑलिम्पीक पात्रताये खातीर आशिल्ले दुसरे संदीचो अचूक फायदो घेत भारताच्या दादल्यांच्या आनी बायलांच्या पंगडान पॅरीस ऑलिम्पिकाचे 4 बाय 400 मिटर रिले रेसीची पात्रताय मेळयली. हे पात्रतायेक लागून ऑलिम्पिकांतल्या ‘ट्रॅक अॅण्ड फिल्ड’ प्रकारांत भारताच्या 19 खेळगड्यांचो प्रवेश निश्चीत जालो. ऑलिम्पिकांत 1 ऑगस्टा सावन अॅथलेटिक्स प्रकारांक सुरवात जातली.
पात्रतायेंत रुपल चौधरी, एम आर पुवम्मा, ज्योतिका डांडी आनी सुभा वेंकटेश ह्या बायलांच्या पंगडांनी 3 मिनटां 29.35 सेकंद अशी वेळ घेत दुसरी सुवात मेळयली. जमैकान (3 मिनटां 28.54 सेकंद) पयली सुवात मेळयली. ते उपरांत मोहम्मद अन्सारी, मोहम्मद अजमल, अरोकिया राजीव आनी अमोज जॅकब हांच्या भारताच्या दादल्यांच्या पंगडान 3 मिनटां 3.23 सेकंद अशा वेळा सयत पात्रतायेंत दुसरी सुवात मेळयली. अमेरिकेच्या पंगडान पयली सुवात मेळयतना 2 मिनटां 69.95 सेकंद अशी वेळ घेतली.
पयले संदींत भारताक निर्शेणी आयिल्ली. पूण, ऑलिम्पीक पात्रताये खातीर जे अपात्र थारिल्ले, तांकां आनीक संद दिली. पयले फेरयेंत भारताच्या दादल्या पंगडाक सर्त लेगीत पुर्ण करपाक जमूंक नाशिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
