भांगरभूंय | प्रतिनिधी
फोंडें, प्रतिनिधी: फोंडेंच्या कदंब बस स्टॅण्डाचेर मंगळारा सकाळीं अंडरपास लागसारा काम करपी क्रेनी पोंदाक चिड्डल्ल्यान प्रकाश चोडणकार ह्या मोटारसायकल पायलटाक जाग्यारूच मरण आयलें. चोडणकार हे फाटलीं बरींच वर्सां बस स्टॅण्डाचेर पायलट म्हणून काम करताले. बसीक धपको दिले उपरांत नियंत्रण गेल्ल्यान क्रेन पार्क केल्ले दुचाकी वटेन वचून हो अपघात घडलो.
फोंडें पुलिसांनी पंचनामो केला. क्रेन चालक राजीव कुमार हाका चवकशे खातीर ताब्यांत घेतला.
मेळिल्ले म्हायती प्रमाण, अंडरपासाचें काम करपा खातीर फर्मागुडयेर सावन क्रेन बस स्टॅण्डाचेर आयली. तेन्ना क्रेनीचो धपको एके प्रवाशी बसीक बशिल्ल्यान क्रेन दुचाकी पार्क केल्ले वटेन धांवली. तेन्ना भाडें मेळटलें म्हूण वाट पळोवपी पायलट प्रकाश चोडणकार हे क्रेनी पोंदाक सांपडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
