भांगरभूंय | प्रतिनिधी
म्हापशें, प्रतिनिधी ः सध्या खंयच्याच वस्तुच्या मोलाचेर नियंत्रण नाशिल्ल्यान भाजये पसून कड्डणा मेरेनचे दर वाडिल्लेच दिसतात. पयलीं जायत्या वस्तूंचे दर दरेक वर्सा वाडटाले. पूण सध्याचे परिस्थितींत फाटल्या सप्तकांत आशिल्ल्या प्रमाणच दर उरतलो हाची खात्री कोणूच दिवंक शकना.
भाजयेचो घाऊक बाजारांतलो दर पळयल्यार म्हापशें बाजारांत टोमॅटो 25 रुपया किल दरान विकपाक लागला. आलें, लसूण, शिमला मिरसांग, हरवी मिरसांग आनी लिंबू म्हारग जाल्यात.
बटाट 28 ते 32 रुपया, कांदो 20 ते 22 रुपया, गाजर 40 रुपया, वांयगीं 40 रुपया, डब्बू मिरसांग 70 रुपया, कोबी 20 रुपया, फ्लॉवर 24 रुपया, दुधी 30 रुपया, हरवी मिरसांग 60 रुपया, आलें 170 रुपया, लसूण 140 रुपया, भेंडी 45 रुपया, जाल्यार लिंबू दरेकीं 5 रुपया असो दर आसा. निरफणस, तेंडली, चिटकी, वाल पापडी, तांबडी भाजी, मुळो, शेंग्यो, बीट हांचेय दर वाडल्यात.
कड्डाणांत चवळी 120 रुपया, मूग 130 ते 140 रुपया, तुरदाळ 160 ते 200 रुपया, मसूर 100 रुपया, वाटाणे 80 रुपया, पाचवे वाटाणे 110 रुपया, हरभरे 100 रुपया, काबूली चणे 140 ते 160 रुपया, सोनमसूरी तांदूळ 55 रुपया, बासमती तांदूळ 70 ते 140 रुपया, गंव 36 ते 42 रुपया असो दर आसा.
तांबड्या मिरसांगांत गावठी (नवी) मिरसांग किला फाटल्यान 500 रुपया, पोरणी 350 रुपया, हरमलची 800 रुपया, काश्मीरी 50 रुपया, बेडगी 300 रुपया, गुंटूर 300 रुपया दर आसा.
मानकुराद आंबो 800 ते 900 रुपया (दर डझनाक), पायरी 500 रुपया आनी हुडगो 500 रुपया असो दर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
